বিহাৰৰ মেইনভা গাঁৱৰ দিনেশ ঠাকুৰ নামৰ এৰাকী নাপিতক ল’কডাউনৰ সময়ত সেৱা আগবঢ়াবলৈ অস্বীকাৰ কৰা বাবেই গুলীয়াই হত্যা কৰা হয়।
দিনেশ ঠাকুৰৰ পত্নীয়ে দাখিল কৰা এজাহাৰ অনুসৰি, ল’কডাউনৰ সময়ত গাঁৱবাসীয়ে দিনেশক চুলি আৰু দাঢ়ি কটাৰ বাবে জোৰ দি আহিছিল।
শনিবাৰে সন্ধিয়া বিপিন দাস নামৰ এগৰাকী ব্যক্তিয়ে দিনেশ ঠাকুৰক লৈ যোৱাৰ পাছত দেওবাৰে দিনেশ ঠাকুৰৰ গুলীবিদ্ধ মৃতদেহ উদ্ধাৰ হয় বুলিও পত্নীয়ে লগতে কয়।
উল্লেখযোগ্য যে, ক’ৰ’না ভাইৰাছৰ সংক্ৰমণৰ বাবে সমগ্ৰ দেশত ঘোষণা কৰা ল’কডাউনৰ সময়ত বিভিন্ন ব্যৱসায়িক প্ৰতিষ্ঠানৰ লগতে চেলুন সমূহো বন্ধ ৰখাৰ নিৰ্দেশ দিয়া হৈছিল।
অসমতো চেলুন আৰু পাৰ্লাৰ সমূহ বন্ধ হৈ আছে যদিও তৃতীয় পৰ্যায়ৰ ল’কডাউনত নাপিত সকলক ঘৰে ঘৰে গৈ চুলি আৰু দাঢ়ি কটাৰ বাবে অনুমতি দিয়া হৈছে।
উল্লেখযোগ্য যে, ভাৰতত আজি ক’ৰ’না ভাইৰাছত আক্ৰান্ত লোকৰ সংখ্যা ৪৪,০০০ অতিক্ৰম কৰে আৰু এই ভাইৰাছ বিধৰ সংক্ৰমণৰ ফলত মৃত্যু হোৱা লোকৰ সংখ্যাই ১৫০০ অতিক্ৰম কৰিছে।
