ৰাজ্যত দিনক দিনে বাঢ়ি গৈছে ক’ৰ’ণা আক্ৰান্ত ৰোগীৰ সংখ্যা। তাৰ মাজতে আহিছে এক ভাল খবৰ।
স্বাস্থ্য মন্ত্ৰী ডঃ হিমন্ত বিশ্ব শৰ্মাই টুইটাৰযোগে জনাইছে এই ভাল খবৰ।
তেওঁ জনোৱা অনুসৰি আজিৰ দিনটোত এইপৰ্য্যন্ত ৰাজ্যত ক’ৰ’ণামুক্ত হৈছে ২৩১গৰাকী লোক।
ৰাজ্যৰ বিভিন্ন চিকিৎসা মহাবিদ্যালয়, জিলা চিকিৎসালয় আৰু আদৰ্শ চিকিৎসালয়ৰ পৰা মুক্তি দিয়া হৈছে লোককেইগৰাকীক।
ইয়াকে লৈ ক’ভিড-১৯ৰ পৰা আৰোগ্য লাভ কৰা মুঠ ব্যক্তি ২৬৪২গৰাকীলৈ বৃদ্ধি পাইছে।
অসমত বৰ্তমান সক্ৰিয় ক’ভিড ৰোগী আছে ১৯৫২ গৰাকী।
? Discharge Alert~
Glad to share that 2⃣3⃣1⃣ patients have been discharged today from various civil, district & model hospitals in Assam, after being tested negative
?Total Discharged Patients – 2642
?Active Patients – 19526:35 PM/June 17/ Day’s total 231#AssamCovidCount pic.twitter.com/GtGStRwj9H
— Himanta Biswa Sarma (@himantabiswa) June 17, 2020
অসমত চিনাক্ত মুঠ ক’ভিড আক্ৰান্তৰ সংখ্যা হৈছে ৪৬০৫ গৰাকী।
ইয়াৰে আঠগৰাকীৰ মৃত্যু হোৱাৰ বিপৰীতে তিনিগৰাকীক আন ঠাইলৈ স্থানান্তৰ কৰা হৈছে।
মঙ্গলবাৰৰ দিনটোত চিকিৎসালয়ৰ পৰা মুকলি কৰা আৰোগ্য ব্যক্তিৰ সংখ্যা হৈছে ২০৬গৰাকী।
