ক’ৰ’না মহামাৰীয়ে ছয় মাহৰ ভিতৰত দক্ষিণ এছিয়াৰ ১২০ মিলিয়ন শিশুক দৰিদ্ৰৰ শাৰীলৈ যাব বুলি য়ুনিচেফৰ এক তথ্যত প্ৰকাশ পাইছে।
য়ুনিচেফৰ এক প্ৰতিবেদনৰ তথ্যত ভাৰতকে ধৰি দক্ষিণ এছিয়াৰ দেশ সমূহত ক’ৰ’নাৰ সংক্ৰমণৰ বাবে দৰিদ্ৰতাৰ সংখ্যা পুনৰ বৃদ্ধি পাব বুলি উল্লেখ কৰা হয়।
প্ৰতিবেদনত উল্লেখ থকা অনুসৰি ২০১৬ চনলৈ দক্ষিণ এছিয়াৰ মুঠ ২৪০ মিলিয়ন শিশু বিভিন্ন প্ৰকাৰৰ দৰিদ্ৰতাৰ কৱলত পৰিছিল।
ক’ৰ’না মহামাৰীয়ে পূৰ্বৰ দৰিদ্ৰতাৰ সংখ্যা ৩৬০ মিলিয়নলৈ বৃদ্ধি কৰিব বুলি য়ুনিচেফে কয়।
উল্লেখযোগ্য যে, সমগ্ৰ বিশ্বত ক’ৰ’না মহামাৰীৰ সংক্ৰমণ দ্ৰুত গতিত বৃদ্ধি পাবলৈ ধৰিছে।
দুদিন পূৰ্বে সমগ্ৰ বিশ্বত এদিনতে ১ লাখৰো অধিক লোক ক’ৰ’না আক্ৰান্ত হোৱাৰ সময়ত বিশ্ব স্বাস্থ্য সংস্থাই গভীৰ উদ্বেগ প্ৰকাশ কৰি বিশ্ব সংকটৰ সন্মুখিন হৈছে বুলি মত প্ৰকাশ কৰিছিল।
এইক্ষেত্ৰত বিশ্ব স্বাস্থ্য সংস্থাই সকলো দেশক একগোট হৈ ক’ৰ’না প্ৰতিৰোধৰ বাবে ওলাই অহাৰ বাবেই আহ্বান জনায়।
”এয়া মহামাৰীৰ পৰা উদ্ধাৰ পোৱাৰ বাবে বিশ্ব একতাৰ সময়,” বিশ্ব স্বাস্থ্য সংস্থাৰ অধ্যক্ষ গৰাকীয়ে এইদৰে মত ব্যক্ত কৰিছিল।
