বলীউদৰ জনপ্ৰিয় অভিনেতা সুশান্ত সিং ৰাজপুতৰ আত্মহত্যাৰ মাত্ৰ পাঁচদিন পূৰ্বে আত্মহত্যা কৰিছিল তেওঁৰ মেনেজাৰ হিচাপে থকা দিশা ছালিয়ানে।
ইয়াৰ পাছতে সুশান্তৰ আত্মহত্যাৰ ঘটনাই ইতিমধ্যে বলীউদত তোলপাৰ লগাইছে।
মুম্বাই আৰক্ষীয়ে সুশান্তৰ আত্মহত্যাৰ কাৰণ বিচাৰি জোৰ তদন্ত চলাইছে।
এটাৰ পাছত আন এটা ৰহস্যৰ দ্বাৰ খুলিছে আৰু বলীউদৰ খ্যাতিসম্পন্ন ব্যক্তিক জেৰাৰ বাবে থানালৈ মাতি আনিছে।
ইপিনে, সুশান্ত সিং ৰাজপুতৰ মৃত্যুৰ সৈতে তেওঁৰ মেনেজাৰ দিশাৰ আত্মহত্যাৰ কিবা যোগসূত্ৰ আছে নেকি তাৰো সন্ধান চলাইছে আৰক্ষীয়ে।
ইয়াৰ মাজতে আহিছে এক চাঞ্চল্যকৰ তথ্য।
বাতৰি অনুসৰি, সুশান্তৰ মেনেজাৰ দিশাৰ সৈতে অভিনেতা সুৰয পাঞ্চালীৰ সম্পৰ্ক আছিল। দিশা অন্ত:সত্ত্বাও আছিল।
সুৰযৰ সৈতে সম্পৰ্কৰ জৰিয়তে মেনেজাৰ দিশাই যাতে ভুল নকৰে সেই বিষয়ে হেনো সুশান্তই বুজোৱাৰ চেষ্টাও কৰিছিল।
অভিনেতাগৰাকীৰ মৃত্যুৰ পাছত এইবাৰ এনে এক চাঞ্চল্যকৰ দাবী পোহৰলৈ অহাৰ পাছতে পুনৰ আৰম্ভ হৈছে আন এক ৰহস্যৰ।
দিশাৰ মৃত্যুৰ সৈতে সুশান্তৰ আত্মহত্যাৰ কোনো যোগসূত্ৰ আছে নেকি তাক লৈয়েই এতিয়া চলিছে জল্পনা-কল্পনা।
অৱশ্যে, মুম্বাই আৰক্ষীয়ে সুশান্তৰ আত্মহত্যাৰ সৈতে দিশাৰ আত্মহত্যাৰ কোনো যোগসূত্ৰ নাই বুলিয়েই স্পষ্ট কৰি দিছে।
উল্লেখ্য যে যোৱা ১৪জুনত মুম্বাইৰ বাসগৃহত সুশান্তৰ চিপ লৈ থকা মৃতদেহ উদ্ধাৰৰ পাছৰে পৰা ঘটনাৰ ৰহস্য উদ্ঘাটনত ব্যস্ত আছে মুম্বাই আৰক্ষী।
