বলিউদৰ সদ্য প্ৰয়াত অভিনেতা সুশান্ত সিং ৰাজপুৰ আকস্মিক মৃত্যুৰ এমাহ পাছত বৃহস্পতিবাৰে সুশান্ত সিং ৰাজপুতৰ প্ৰেয়সী ৰেহা চক্ৰৱৰ্তীয়ে কেন্দ্ৰীয় গৃহ মন্ত্ৰী অমিত শ্বাহলৈ টুইটাৰৰ মাধ্যমেৰে লিখি সমগ্ৰ ঘটনাৰ চি বি আইৰ তদন্ত দাবী কৰে।
”মই সুশান্ত সিং ৰাজপুতৰ প্ৰেয়সী…..তেওঁৰ আকস্মিক মৃত্যুৰ এমাহ পাৰ হ’ল। ন্যায়ৰ ক্ষেত্ৰত মোৰ চৰকাৰৰ ওচৰত পুৰ্ণ বিশ্বাস আছে, মই আপোনাক চি বি আইৰ অনুসন্ধানৰ বাবে অনুৰোধ কৰো……মই মাত্ৰ বুজিব বিচাৰু কি চাপৰ ফলত সুশান্তে এনে সিদ্ধান্ত ল’বলৈ বাধ্য হ’ল,” কেন্দ্ৰীয় গৃহ মন্ত্ৰী অমিত শ্বাহলৈ টুইট কৰি ৰেহাই এই দৰে লিখে।
উল্লেখযোগ্যো যে, বিগত মাহত সুশান্ত সিং ৰাজপুতে মুম্বাইত থকা নিজ বাসগৃহত চিপ লৈ আত্মহত্যা কৰিছিল।
সুশান্তৰ মৃত্যুৰ পাছতে সমগ্ৰ বলিউদ জগতত প্ৰতিভাৱান যুৱ অভিনেতা গৰাকীৰ মৃত্যু সম্পৰ্কে যথেষ্ট চৰ্চা চলি আছে
সুশান্তৰ প্ৰেয়সীৰ উপৰিও জন অধিকাৰী পাৰ্টিৰ ৰাষ্ট্ৰীয় সভাপতি পাপ্পু যাদৱে সুশান্তৰ মৃত্যু সম্পৰ্কত তদন্তৰ বাবে চি বি আইৰ অনুসন্ধান বিচাৰি অমিত শ্বাহলৈ পত্ৰ লিখিছিল।
গৃহ মন্ত্ৰী অমিত শ্বাহে পাপ্পু যাদৱৰ পত্ৰৰ উত্তৰ দি এই বিষয়ে বিভাগীয় কৰ্তৃপক্ষক ব্যৱস্থা গ্ৰহণৰ বাবে প্ৰেৰণ কৰা হৈছে বুলি কয়।
