এজন কৰ্মচাৰী ক’ভিড-১৯ পজিটিভ চিনাক্ত হোৱা বাবে টীয়কৰ উপ ডাকঘৰৰ সমূহ কৰ্মচাৰীক ১৪দিনৰ হ’ম কুৱাৰেণ্টিনৰ নিৰ্দেশ দিয়া হৈছে।
স্বাস্থ্য বিভাগৰ লোক ডাকঘৰত উপস্থিত হৈ কৰ্মচাৰীসকলক এই নিৰ্দেশ দিছে।
জানিব পৰা মতে ক’ভিড পজিটিভ চিনাক্ত কৰ্মচাৰীজন যোৱা সপ্তাহৰ পৰা সামান্য শাৰীৰিক অসুস্থতাৰ বাবে কাৰ্যালয়লৈ অহা নাছিল।
কিন্তু সোমবাৰে কিছুসময়ৰ বাবে কাৰ্যালয়লৈ আহিছিল।
ইপিনে টীয়কৰ লাহিঙত অসম গ্ৰামীণ বিকাশ বেংকৰ এজন কৰ্মচাৰী ক’ভিড-১৯ পজিটিভ বুলি জানিব পৰা গৈছে৷
কৰ্মচাৰীজনৰ ঘৰ যোৰহাট চহৰৰ এক কণ্টেইনমেন জ’নত বুলি জানিব পৰা গৈছে।
কৰ্মচাৰীজনৰ ককায়েকৰ ফলাফলো পজিটিভ আহিছিল বুলি জানিব পৰা গৈছে৷
স্বাস্থ্য বিভাগৰ লোকে বেংকৰ প্ৰবন্ধক আৰু আন কৰ্মচাৰীসকলকো স্বাব টেষ্ট কৰিবলৈ নিৰ্দেশ দিছে।