মিজোৰামত বিগত ২৪ ঘণ্টাত এগৰাকী মহিলাকে ধৰি পাঁচগৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
ইয়াকে লৈ মিজোৰামত ক’ৰ’না ভাইৰাছত আক্ৰান্ত হোৱা লোকৰ সংখ্যা ২৭২ গৰাকীলৈ বৃদ্ধি পালে।
মিজোৰামৰ জনসংযোগ বিভাগে জানিবলৈ দিয়া মতে, জোৰাম মেডিকেল কলেজত বৃহস্পতিবাৰে ৰাজ্যখনত নতুনকৈ ক’ৰ’না আক্ৰান্ত হোৱা লোক পাঁচগৰাকী জোৰাম মেডিকেল কলেজত চিকিৎসাধীন হৈ আছিল।
উল্লেখযোগ্য যে, জ’ৰাম মেডিকেল কলেজত বৃহস্পতিবাৰৰ দিনটোত মুঠ ২৪৮ টা চেম্পল লোৱা হৈছিল আৰু তাৰ ভিতৰত পাঁচগৰাকী লোকৰ শৰীৰত ক’ৰ’নাৰ উপস্থিতি ধৰা পৰে।
নতুনকৈ ক’ৰ’না আক্ৰান্ত হোৱা লোক পাঁচগৰাকীৰ ভিতৰত তিনিগৰাকী আইজলৰ আৰু দুগৰাকী চাৰ্ছিপ জিলাৰ।
নতুনকৈ ক’ৰ’না আক্ৰান্ত হোৱা লোক কেইগৰাকী ক্ৰমে কৰ্ণাটক, উত্তৰপ্ৰদেশ, বিহাৰ, নাগালেণ্ড আৰু ত্ৰিপুৰাৰ পৰা উভতি অহা।
মিজোৰামত বৰ্তমানলৈ মুঠ ১৬০ গৰাকী লোকে ক’ৰ’না ভাইৰাছৰ সংক্ৰমণৰ পৰা চিকিৎসাৰ অন্তত আৰোগ্য হৈ উঠাৰ বিপৰীতে এতিয়াও বিভিন্ন চিকিৎসালয়ত ১১২ গৰাকী লোক চিকিৎসাধীন হৈ আছে।
