বিজেপিৰ নিৰ্বাচনী ৰণ জিকাৰ প্ৰধান সম্বল ৰাম মন্দিৰৰ প্ৰসংগত কংগ্ৰেছে ইমান দিনে এক কৌশলী স্থিতি গ্ৰহণ কৰি আহিছিল।
বিষয়টো আদালতৰ বিচাৰাধীন বুলি এই সন্দৰ্ভত কংগ্ৰেছে বিশেষ কোনো মন্তব্য প্ৰকাশ কৰা নাছিল।
কিন্তু এতিয়া অযোধ্যাৰ ৰাম মন্দিৰক লৈ নাই কোনো আইনী লেঠা।
আদলতেই ৰাম মন্দিৰ নিৰ্মাণৰ নিৰ্দেশ দিছে। এনে পৰিস্থিতিত বিষয়টোক লৈ মৌনতা অৱলম্বন কৰি থাকিলে বহুতেই বেয়া পাব বুলি ভাবিয়েই কংগ্ৰেছেও মুখ খুলিছে।
কংগ্ৰেছৰ নেতা ৰাহুল গান্ধীয়ে ৰাম মন্দিৰ সন্দৰ্ভত কৰা টুইটত কৈছে যে মৰ্যাদা পুৰুষোত্তম ভগৱান ৰাম সৰ্বোত্তম মানৱীয় গুণৰ স্বৰুপ।
मर्यादा पुरुषोत्तम भगवान राम सर्वोत्तम मानवीय गुणों का स्वरूप हैं। वे हमारे मन की गहराइयों में बसी मानवता की मूल भावना हैं।
राम प्रेम हैं
वे कभी घृणा में प्रकट नहीं हो सकतेराम करुणा हैं
वे कभी क्रूरता में प्रकट नहीं हो सकतेराम न्याय हैं
वे कभी अन्याय में प्रकट नहीं हो सकते।— Rahul Gandhi (@RahulGandhi) August 5, 2020
ৰামেই প্ৰেম,তেওঁ কেতিয়াও কাকো ঘৃণা কৰিব নোৱাৰে,ৰাম মানেই কৰুণা,যিয়ে কেতিয়াও নিষ্ঠুৰ হ’ব নোৱাৰে,ৰাম মানেই ন্যায়,যিয়ে কেতিয়াও অন্যায়ৰ সৈতে সহাৱস্থান কৰিব নোৱাৰে।
ৰাহুল গান্ধীৰ পূৰ্বে কংগ্ৰেছৰ সম্পাদিকা প্ৰিয়ংকা গান্ধীয়েও ভূমি পূজনক জাতীয় ঐক্যৰ উৎসৱ বুলি আখ্যা দিছিল।
মধ্যপ্ৰদেশৰ প্ৰাক্তন মুখ্যমন্ত্ৰী কমল নাথেও অযোধ্যাৰ ভূমি পূজনৰ প্ৰশংসাত গদ্ গদ্ হৈ পৰিছিল।
কংগ্ৰেছ নেতা তথা প্ৰাক্তন কেন্দ্ৰীয় মন্ত্ৰী শশী থাৰুৰেতো জয় শ্ৰী ৰাম ধ্বনিয়েই দিছিল।
এনে পৰিস্থিতিত ৰাহুল গান্ধীয়ে মনে মনে থাকে কিদৰে? তেঁৱো সেয়ে নামি পৰিল ৰাম বন্দনাত।
