দ্বীপ ৰাষ্ট্ৰ শ্ৰীলংকাত অনুষ্ঠিত সাধাৰণ নিৰ্বাচনৰ আজি হোৱা ভোট গণনাত এছ এল পি পি দলে নিৰংকুশ সংখ্যাগৰিষ্ঠতা অৰ্জনেৰে দেশখনত চৰকাৰ গঠনৰ বাট প্ৰশস্ত কৰিলে।
আজি হোৱা ভোট গণনাত মহিন্দা ৰাজাপাক্ষে নেতৃত্বাধীন এছ এল পি পি দলে দেশখনৰ সংসদৰ মুঠ ২২৫ খন আসনৰ ভিতৰৰে ১৪৫ খন আসন লাভ কৰিবলৈ সক্ষম হয়।
এছ এল পি পি মিত্ৰ জোঁটে লাভ কৰে আন পাঁচ খন আসন।
বিৰোধী দলে নিৰ্বাচনত লাভ কৰা আসনৰ সংখ্যা হৈছে মাত্ৰ ৫৪ খন।
দেশখনৰ মুঠ ১৬.২ নিযুত ভোটাৰৰ ভিতৰত ৭৫ শতাংশ ভোটাৰেই ৰাজাপাক্ষেৰ দলৰ সমৰ্থনত ভোট দিয়ে। উল্লেখ্য বিগত বৰ্ষৰ নৱেম্বৰ মাহত ৰাজাপাক্ষেৰ ভাতৃ গোতাবায়া ৰাজাপাক্ষেই দেশখনৰ ৰাষ্ট্ৰপতিৰ পদত অধিষ্ঠিত হৈছিল।
ইয়াৰ পিছতে ৰাষ্ট্ৰপতি গোতাবায়া ৰাজাপাক্ষেই মহিন্দা ৰাজাপাক্ষেক দ্বীপ ৰাষ্ট্ৰ খনৰ অন্তৱৰ্তীকালীন প্ৰধানমন্ত্ৰীৰ পদত অধিষ্ঠিত কৰে।
সংবিধানৰ বিধান অনুসৰিয়েই দেশখনত সাধাৰণ নিৰ্বাচন অনুষ্ঠিত কৰা হয়।
শেহতীয়াকৈ ক’ৰ’ণা ভাইৰাছৰ সংক্ৰমণ ৰোদৰ ক্ষেত্ৰত ৰাষ্ট্ৰপতি গোতাবায়া ৰাজাপাক্ষে আৰু অন্তৱৰ্তী প্ৰধানমন্ত্ৰী মহিন্দা ৰাজাপাক্ষেই যি সৱল পদক্ষেপ গ্ৰহণ কৰিলে তাৰ বাবেই দেশ খনত কোভিডত মৃত্যু ঘটা লোকৰ সংখ্যা মাত্ৰ ১১ জনতে সীমাবদ্ধ হৈ ৰয়।
সেই বাবেই জনতাৰ আস্থা অৰ্জনত সমৰ্থ হয় ৰাজাপাক্ষে ভাতৃদ্বয়।
তাৰ সুফলো আজি তেওঁলোকে লাভ কৰিলে।
নিৰ্বাচনৰ ফলাফল ঘোষণাৰ পিছতে ভাৰতৰ প্ৰধানমন্ত্ৰী নৰেন্দ্ৰ মোডীয়ে ফোন কৰি মহিন্দা ৰাজাপাক্ষেক শুভেচ্ছা জ্ঞাপন কৰে।
