উত্তৰ কোৰিয়াৰ শাসক কিং জং উনৰ নিৰ্দেশত দেহ ব্যৱসায় চক্ৰৰ সৈতে জড়িত থকাৰ অভিযোগত চাৰিজন চৰকাৰী নেতাক গুলী কৰি হত্যা কৰা হয়।
দেশখনৰ ৰাজধানী পিয়ংইয়ঙৰ ৰাজপথত নেতাকেইজনক মুকলিকৈ গুলী কৰি হত্যা কৰা হয়।
তদুপৰি, আন দুজন লোককো দেহ ব্যৱসায় চক্ৰৰ সৈতে জড়িত থকাৰ অভিযোগত এইদৰে গুলীয়াই হত্যা কৰা হৈছে।
বাতৰি অনুসৰি, উত্তৰ কোৰিয়াত দেহ ব্যৱসায় চক্ৰৰ ঘটনা পোহৰলৈ অহাৰ পাছত দেশখনৰ ৰাজনীতিক, চৰকাৰী বিষয়াৰ পৰা আৰম্ভ কৰি বিভিন্ন প্ৰভাৱশালী ব্যক্তি ইয়াত জড়িত থকাৰ তথ্য ফাদিল হৈ পৰিছে।
বিছৰ পৰা পঁচিশ বছৰৰ যুৱতীসকলক চাকৰি দিয়া তথা অৰ্থ উপাৰ্জনৰ প্ৰলোভনেৰে দেহ ব্যৱসায়ত জড়িত কৰাৰ অভিযোগ উত্থাপিত হৈছে।
দেশখনৰ জনপ্ৰিয় অভিনেতাও আনকি এই চক্ৰৰ সৈতে জড়িত হৈ পৰাৰ খৱৰ প্ৰকাশিত হৈছে।
এনে কাৰ্যৰ বাবে সৰু হোটেলৰ পৰা আৰম্ভ কৰি চৰকাৰী টয়লেট আদি ব্যৱহাৰ কৰাৰ বাতৰিও সংবাদ মাধ্যমত প্ৰকাশ পাইছে।
এই চক্ৰৰ পৰা উদ্ধাৰ হোৱা যুৱতীসকলৰ অধিকাংশই পিয়ংইয়ং বিশ্ববিদ্যালয়ৰ ছাত্ৰী বুলি বাতৰিত কোৱা হৈছে।
ইপিনে, দেশখনৰ এনে ঘটনাত ক্ষুব্ধ হৈ পৰা শাসক কিম জং উনে গোটেই ঘটনাটোৰ বিৰুদ্ধে কঠোৰ ব্যৱস্থা গ্ৰহণৰ নিৰ্দেশ দিয়ে।
দেশখনৰ আইন অনুসৰি, এনে অপৰাধৰ বাবে ৫বছৰৰ সশ্ৰম কাৰাদণ্ডৰ ব্যৱস্থা আছে। কিন্তু কিমে অভিযুক্তসকলক চিধাই গুলী কৰাৰ নিৰ্দেশ দিছে।
কিমৰ নিৰ্দেশ অনুসৰিয়েই ইতিমধ্যে দলৰ চাৰিজন নেতা আৰু দুজন দালালক গুলীয়াই হত্যা কৰা হয়।
