যোৰহাট জিলাৰ টীয়কৰ ভগামুখ চাৰিঙীয়াৰ পৱন শৰ্মা নামৰ অতি দৰিদ্ৰ এটা পৰিয়ালৰ জৰাজীৰ্ণ গৃহটো অঞ্চলটোৰ একাংশ যুৱক সমবেত হৈ মেৰামতিৰ ব্যৱস্থা কৰি এক আদৰ্শ দেখুৱাইছে।
এক দুৰ্ঘটনাত পতিত হৈ দুৰ্ভগীয়া জীৱন কটোৱা পৱন শৰ্মাই শাৰীৰিক অক্ষমতাৰ বাবে কোনো কামেই কৰিব নোৱাৰা হ’ল।
পত্নীৰে সৈতে নিঃসন্তান পৱন শৰ্মাই এটা জৰাজীৰ্ণ ঘৰত জীৱন যাপন কৰি আহিছে।
এই দুৰ্বিষহ দৃশ্য দেখি অঞ্চলটোৰ একাংশ যুৱকে দান বৰঙণি সংগ্ৰহ কৰি, নিজৰ সাচতীয়া ধন খৰচ কৰি জৰাজীৰ্ণ ঘৰটো মেৰামতি কৰি দিছে।
যুৱকসকলৰ এনে উদ্যোগক স্থানীয় সকলো লোকে প্ৰশংসা কৰিছে।
বৰ্তমান যুৱ সমাজৰ একাংশই সমাজত বিশৃংখলতাৰ সৃষ্টি কৰি অহা বুলি হোৱা বুলি চৰ্চা লাভ কৰাৰ সময়ত ভগামুখ অঞ্চলৰ এইসকল যুৱকৰ এনে প্ৰয়াস সঁচাকৈয়ে আদৰণীয় মন্তব্য কৰিছে স্থানীয় ৰাইজে।
এই ক্ষেত্ৰত যোৰহাট জিলাৰ অগপৰ সম্পাদক বিকাশ শইকীয়া, জিলা পৰিষদৰ সদস্য, ভগামুখ পঞ্চায়তৰ সভানেত্ৰী, কলিয়াপানী আঞ্চলিক পঞ্চায়তৰ সভানেত্ৰীকে ধৰি বহু শুভাকাংক্ষীয়ে বিশেষভাৱে সহযোগিতা আগবঢ়োৱাৰ বাবে সকলোৰে ওচৰত ধন্যবাদ আৰু কৃতজ্ঞতা জ্ঞাপন কৰিছে যুৱকসকলেl
