১৬ বছৰীয়া এগৰাকী ছাত্ৰীক ধৰ্ষণ কৰি গ্ৰেপ্তাৰ হৈছে অৱসৰপ্ৰাপ্ত এজন চৰকাৰী শিক্ষক।
এই লজ্জানক ঘটনাটো ঘটিছে চুবুৰী ৰাজ্য ত্ৰিপুৰাত।
ঘটনাৰ বিৱৰণীৰ মতে কিছু বছৰ পূৰ্বে অৱসৰ গ্ৰহণ কৰাৰ পিছত অজিত দেৱ নামৰ চৰকাৰী শিক্ষকজনে ৱেষ্ট ত্ৰিপুৰা জিলাৰ কল্যাণপুৰত নিজগৃহতে এখন ক’ছিং চেন্টাৰ খোলে।
উক্ত ক’ছিং চেন্টাৰতে শিক্ষকজনে ছাত্ৰীগৰাকীক প্ৰলোভনেৰে যোৱা এবছৰ দিন ধৰি ধৰ্ষণ কৰি আহিছে বুলি অভিযোগ উঠিছে।
“শিক্ষক অজিত দেৱে নিৰীক্ষকৰ হতুৱাই ছাত্ৰীগৰাকীক ব’ৰ্ডৰ পৰীক্ষাত ভাল নম্বৰ দিওৱাৰ প্ৰলোভন দি যোৱা এবছৰৰ পৰা যৌন নিৰ্যাতন তথা ধৰ্ষণ কৰি আহিছিল।” সূত্ৰটোৱে কয়।
সূত্ৰটোৰ মতে লম্পট শিক্ষকগৰাকীয়ে একেটা প্ৰস্তাৱ অন্য এগৰাকী ছাত্ৰীকো দিছিল। কিন্তু ছাত্ৰীগৰাকীয়ে সেই প্ৰলোভনত ভুল নগৈ অভিভাৱকক লম্পট শিক্ষকজনৰ প্ৰস্তাৱটো অৱগত কৰে।
ইফালে ছাত্ৰীগৰাকীৰ পিতৃয়ে কল্যাণপুৰ আৰক্ষী থানাত লম্পট শিক্ষকজনৰ বিৰুদ্ধে এখন এজাহাৰ দাখিল কৰে।
উক্ত এজাহাৰৰ ভিত্তিতে আৰক্ষীয়ে লম্পট শিক্ষকজনক গ্ৰেপ্তাৰ কৰে।
ইয়াৰ পিছতেহে লম্পট শিক্ষকজনে ১৬ বছৰীয়া ছাত্ৰী গৰাকীক দীৰ্ঘদিন ধৰি প্ৰলোভনেৰে ধৰ্ষণ কৰি অহা সমগ্ৰ দুষ্কাৰ্য পোহৰলৈ আহে।
ইতিমধ্যে আৰক্ষীয়ে গ্ৰেপ্তাৰ কৰি লম্পট শিক্ষকজনক আদালতে হাজিৰ কৰোৱাই আৰু আদালতে অহা ২০ আগষ্টলৈকে লম্পট শিক্ষকজনক ন্যায়িক জিম্মালৈ প্ৰেৰণ কৰে।
