যিটো সময়ত ভাৰতবৰ্ষত ধৰ্মীয় অসহিষ্ণুতাই গা কৰি উঠিছে সেই সময়তে একাংশ উদাৰমনা লোকে সমাজত বিলাই গৈছে সাম্প্ৰদায়িক সম্প্ৰীতিৰ বতৰা।
তেনে এক ঘটনাই পোহৰলৈ আহিছে মধ্যপ্ৰদেশৰ ইণ্ডোৰত।
ইণ্ডোৰৰ বাসিম্দা আজিজ খান নামৰ লোক জনে তেওঁৰ পুত্ৰ নাম ৰাখিছে কৃষ্ণ।
এজন মুছলমান লোক হৈয়ো পুত্ৰ নাম কৃষ্ণ ৰখাৰ বাবে আজিজ খানক বহুতে সমালোচনাও কৰিছে।
বহু ইছলামধৰ্মী লোকে আজিজ খানক কাফেৰ আখ্যাও দিছে।
কিন্তু সেই বোৰৰ প্ৰতি কাণসাৰ নাই আজিজ খানৰ।কিন্তু কি পৰিস্থিতিত আজিজ খানে তেওঁৰ পুত্ৰ নাম কৃষ্ণ ৰাখিবলগীয়া হ’ল? এই সন্দৰ্ভত আজিজ খানে কয় যে তেওঁৰ পুত্ৰৰ জন্ম হৈছিল জন্মাষ্টমীৰ দিনা।
প্ৰায় বাৰ বছৰ আগতে ইণ্ডোৰৰ এখন চিকিৎসালয়ত জন্মগ্ৰহণ কৰা পুত্ৰৰ নাম এখন প্ৰ-পত্ৰত পূৰাবলৈ দিছিল চিকিৎসক প্ৰবীণ জাডিয়াই।
তেতিয়ালৈকে পুত্ৰৰ কোনো নামেই ৰখা হোৱা নাছিল। সেয়ে আজিজে তেওঁৰ পুত্ৰৰ নাম কৃষ্ণ বুলিয়েই লিখি দিলে।
জন্মাষ্টমীৰ দিনা জন্মা বাবেই পুত্ৰৰ নাম কৃষ্ণ বুলি লিখিলে যদিও বহুতেই এই কামৰ বাবে আজিজক আজিও ভাল দৃষ্টিৰে নাচায়।
আজিজৰ মতে পিছে ধৰ্মই মানুহক ভাগ ভাগ কৰাৰ কথা কোৱা নাই,মিলনৰ কথাহে কৈছে।
