পাক-ভাৰত সীমান্তৰ মাছিল ছেক্টৰৰ নামে প্ৰায়ে দেশৰ সংবাদ মাধ্যমৰ শিৰোনাম দখল কৰি আহিছে।
কাশ্মীৰৰ বিতোপন প্ৰকৃতিৰ মাজত গঢ় লৈ উঠা মাছিল ছেক্টৰত প্ৰায়ে পাক সেনাই যুদ্ধ বিৰতি উলংঘা কৰি গুলিবৰ্ষণ কৰি আহিছে।
সীমান্তত দেশৰ প্ৰহৰীৰ দৰে থকা মাছিল ছেক্টৰৰ লোক সকলৰ বাবে বিদ্যুতৰ পোহৰ এক অলীক কল্পনা আছিল।
স্বাধীনতাৰ ৭৪ বছৰ পিছতো মাছিল ছেক্টৰত হোৱা নাছিল বিদ্যুত সংযোগ।
কিন্তু দশকৰ পিছত দশক ধৰি বিদ্যুতৰ পোহৰৰ পৰা বঞ্চিত মাছিল ছেক্টৰৰ বাসিন্দা সকলে যেন অৱশেষত পোহৰৰ মুখ দেখিলে।
চৰকাৰৰ কৃপাত সীমান্তৰ অতি দুৰ্গম মাছিল ছেক্টৰতো বিদ্যুৎ যোগানৰ ব্যৱস্থা কৰিলে প্ৰশাসনে।
কাশ্মীৰৰ বিদ্যুৎ বিভাগৰ শীৰ্ষ পদাধিকাৰ ৰোহিত কাঞ্চালে প্ৰকাশ কৰা অনুসৰি মাছিল ছেক্টৰৰ ৯ খন গাঁৱত এতিয়া বিদ্যুৎ সংযোগ দিয়া হৈছে যদিও বাকী গাঁও বোৰতো শীঘ্ৰে বিদ্যুতৰ যোগান ধৰা হ’ব।
কুপৱাৰা জিলাৰ অন্তৰ্গত মাছিল ছেক্টৰৰ প্ৰায় ২৫ হাজাৰ বাসিন্দাই ইমান দিনে চাকিৰ পোহৰ অথবা জেনেৰেটৰৰ সহায়তে পোহৰৰ ব্যৱস্থা কৰি আহিছিল।
স্বাধীনতা দিৱসৰ দিনাই কাশ্মীৰৰ কুপৱাৰা জিলাৰ কেৰাণ ছেক্টৰতো বিদ্যুৎ যোগানৰ ব্যৱস্থা কৰা হৈছিল।