SBI ৰ নতুন পদক্ষেপ: এটিএমত সুৰক্ষিত হ’ব গ্ৰাহকৰ ধন, কিন্তু কিদৰে?

দেশৰ সৰ্ববৃহৎ বেংকিং প্ৰতিষ্ঠান SBI-এ বেংকটোৰ গ্ৰাহকৰ ধন যাতে দুষ্ট চক্ৰই জালিয়াতিৰে উলিয়াই নিব নোৱাৰে তাৰ বাবে গ্ৰহণ কৰিছে বিশেষ ব্যৱস্থা।

সাধাৰণতে এটিএমৰ পৰাই দুষ্ট চক্রই জালিয়াতিৰে আনৰ ধন সৰকাই নিয়াৰ ঘটনা বৃদ্ধি পাবলৈ ধৰিছে।

দুষ্ট চক্ৰৰ এনে জালিয়াতি ৰোধ কৰাৰ বাবে SBI-এ ইয়াৰ এটিএম সমূহৰ সৈতে সংযুক্ত কৰিছে এক বিশেষ ফিছাৰ।

এতিয়াৰে পৰা SBI ৰ কোনো গ্ৰাহকে এটিএমত বেলেঞ্চ পৰীক্ষা কৰিলে অথবা মিনি ষ্টেটমেণ্ট উলিয়ালেও লগে লগে সংশ্লিষ্ট গ্ৰাহকৰ মোবাইল ফোনলৈ এই বিষয়ত মেছেজ যাব।

Introducing a new feature for our customers' safety.
Now every time we receive a request for #BalanceEnquiry or #MiniStatement via ATMs, we will alert our customers by sending an SMS so that they can immediately block their #DebitCard if the transaction is not initiated by them. pic.twitter.com/LyhMFkR4Tj

— State Bank of India (@TheOfficialSBI) September 1, 2020

যদি কোনো গ্ৰাহকে বেলেঞ্চ পৰীক্ষা কৰা নাই বা মিনি ষ্টেটমেণ্টো উলিওৱা নাই তেন্তে মোবাইল ফোনত মেছেজ পোৱাৰ পিছতে তেনে গ্ৰাহক সজাগ হ’ব পাৰিব আৰু এই সন্দৰ্ভত বেংক কৰ্তৃপক্ষক অৱগত কৰিলে লগে লগে তেনে গ্ৰাহকৰ ডেবিট কাৰ্ড লেন-দেনৰ অনুপযোগী কৰি দিব পৰা যাব।

সচৰাচৰ দেখা যায় দুষ্ট চক্ৰই জালিয়াতিৰে কোনো একাউণ্টৰ পৰা ধন সৰকাই নিয়াৰ পূৰ্বে সেই একাউণ্টত কিমান ধন আছে সেয়া পৰীক্ষা কৰি চায়।

এতিয়াৰে পৰা কোনো অকৰ্তৃত্বশীল লোকে কোনো গ্ৰাহকৰ একাউণ্টত থকা ধনৰ পৰিমাণ জানিব বিচাৰিলে মেছেজ যাব।

SBI-এ টুইটৰ জৰিয়তে এই বিষয়ে জ্ঞাত কৰাৰ লগতে এটিএম ব্যৱহাৰ সন্দৰ্ভত কেতবোৰ বিশেষ কথাও প্ৰকাশ কৰিছে।