PUBGসহ ১১৮ টা মোবাইল এপ ভাৰতত নিষিদ্ধ কৰা হৈছে। বুধবাৰে কেন্দ্ৰীয় চৰকাৰে নিষিদ্ধ কৰিছে এই এপসমূহ।
উল্লেখ্য যে ভাৰত-চীনৰ লাডাখ সীমান্তত চীনৰ সৈতে ভাৰতৰ সংঘাত বৃদ্ধিৰ সময়তে যোৱা জুন মাহত নিৰাপত্তাজনিত কাৰণত ভাৰতত ৫৯ টাকৈ চীনা মোবাইল এপ নিষিদ্ধ কৰা হৈছিল।
ইয়াৰ পিছতে PUBGক ভাৰতত নিষিদ্ধকৰণকলৈ বহু চৰ্চাৰ আৰম্ভ হৈছিল যদিও কেন্দ্ৰীয় চৰকাৰে PUBGক নিষিদ্ধ কৰা নাছিল।
আজি দেশৰ সাৰ্বভৌমত্ব, অখণ্ডতা আৰু প্ৰতিৰক্ষাৰ প্ৰতি লক্ষ্য ৰাখি কেন্দ্ৰই PUBGৰ লগতে Baidu, Baidu Express Edition, Tencent Watchlist, FaceU, WeChat Reading and Tencent Weiyun সহ ১১৮ টা মোবাইল এপ নিষিদ্ধ কৰিছে কেন্দ্ৰই।
বিভিন্ন উৎস আৰু পক্ষৰ পৰা কেন্দ্ৰীয় তথ্য প্ৰযুক্তি মন্ত্ৰালয়ে এণ্ড্ৰয়ড মোবাইল আৰু iOSৰ মাধ্যমত এই এপসমূহৰ অপব্যৱহাৰৰ লগতে তথ্য চুৰি সংক্ৰান্তীয় প্ৰতিবেদনসহ অভিযোগ লাভ কৰি আহিছিল।
ইয়াৰ পিছতে গৃহ মন্ত্ৰালয়ৰ অধীনস্থ দ্য ইণ্ডিয়ান চাইবাৰ ক্ৰাইম ক’ৰ্অডিনেশ্যন চেন্টাৰে এই বিতৰ্কিত এপসমূহ নিষিদ্ধ কৰিবলৈ অনুমোদন জনায়।
এই অনুমোদন লাভৰ পিছতে আজি PUBGসহ ১১৮ টা মোবাইল এপ নিষিদ্ধ কৰা হৈছে দেশত।
