মোদী চৰকাৰৰ স্ববিৰোধী স্থিতি : ‘ক্ৰ’ন’লজিটো বুজক’; প্ৰধানমন্ত্ৰী মোদীক কটাক্ষ কৰি আক্ৰমণ ৰাহুল গান্ধীৰ

চীনে সীমান্তত ভাৰতৰ ভূমি দখলকৈ কেন্দ্ৰীয় চৰকাৰৰ স্ববিৰোধিতাক পুনৰ তীব্ৰ বাক্যবাণেৰে আক্ৰমণ কৰিছে কংগ্ৰেছ নেতা ৰাহুল গান্ধীয়ে।

প্ৰধানমন্ত্ৰী নৰেন্দ্ৰ মোদীক পুনৰ আক্ৰমণ কৰি কংগ্ৰেছ নেতা ৰাহুল গান্ধীয়ে টুইট কৰি লিখিছে, ‘ক্ৰ’ন’লজিটো বুজক’।

উল্লেখ্য যে, চীনে ভাৰতৰ ভূমি দখল কৰাকলৈ কেন্দ্ৰীয় চৰকাৰৰ স্ববিৰোধিতা স্পষ্ট হৈ পৰিছে।

প্ৰধানমন্ত্ৰীয়ে লাডাখলৈ গৈ ক’লে ভাৰতৰ ভূমি কোনেও দখল কৰা নাই। অথচ প্ৰতিৰক্ষা মন্ত্ৰী ৰাজনাথ সিঙে বাৰে বাৰে কৈ আছিল যে লাডাখ সীমান্তত চীনে ভাৰতৰ ভূমি দখল কৰিছে।

ৰাহুল গান্ধীয়ে লিখিছে, প্ৰথমে প্ৰধানমন্ত্ৰীয়ে কৈছিল কোনেও সীমান্তত অনুপ্ৰৱেশ কৰা নাই। ইয়াৰ পিছতে ভাৰতে চীনা বিত্তীয় প্ৰতিষ্ঠানৰ পৰা বৃহৎ পৰিমাণৰ ধন ঋণ লৈছিল।

Understand the chronology:

?PM said- no one crossed the border
?Then, took a huge loan from a China-based bank
?Then, Def Min said- China occupied our land
?Now, MOS Home says- there’s no infiltration.

Is Modi Govt with Indian Army or with China?

Modi ji, why so scared?

— Rahul Gandhi (@RahulGandhi) September 16, 2020

প্ৰতিৰক্ষা মন্ত্ৰী ৰাজনাথ সিঙে পুনৰ ক’লে চীনা সৈন্যই সীমান্তত আগ্ৰাসন চলাই ভাৰতৰ ভূমি দখল কৰিছে। ইয়াৰ পিছতে ভাৰতত চীনা এপসমূহ নিষিদ্ধ কৰি দিয়া হ’ল।

আকৌ বুধবাৰে গৃহ ৰাজ্যমন্ত্ৰীয়ে কৈছে যে চীনে ভাৰতৰ ভূমি দখল কৰা নাই। ইয়াৰ দ্বাৰাই স্পষ্ট হৈ পৰিছে যে চীনে আগ্ৰাসন চলোৱা সন্দৰ্ভত স্বয়ং কেন্দ্ৰীয় চৰকাৰেই স্ববিৰোধিতাত আক্ৰান্ত হৈছে।

চৰকাৰৰ এই স্থিতিক কটাক্ষ কৰি ৰাহুল গান্ধীয়ে মোদীক প্ৰশ্ন কৰিছে, ‘মোদী চৰকাৰ কাৰ সৈতে আছে, ভাৰতৰ সৈন্যৰ সৈতে নে চীনৰ সৈতে?’

টুইটৰ শেষত ৰাহুল গান্ধীয়ে লিখিছে, ‘মোদীজী, কিয় ইমান ভয় খাইছে?’

উল্লেখ্য যে, প্ৰতিৰক্ষা মন্ত্ৰী ৰাজনাথ সিঙে চীনা সৈন্যই ভাৰতৰ ভূমি দখল কৰিছে বুলি দাবী কৰি থকাৰ সময়তে বিগত জুনত মাহত প্ৰধানমন্ত্ৰী নৰেন্দ্ৰ মোদীয়ে লাডাখৰ গালৱান উপত্যকাত গৈ ঘোষণা কৰিছিল যে চীনা সৈন্যই ভাৰতীয় ভূমি দখল কৰা নাই।

ইয়াৰ পিছতে কেন্দ্ৰীয় চৰকাৰে চীনা বিত্তীয় প্ৰতিষ্ঠানৰ পৰা ৭৫ কোটি মাৰ্কিন ড’লাৰ ঋণ লোৱা বুলি ৰয়টাৰে দাবী কৰিছিল।

সেয়ে ৰাহুল গান্ধীয়ে প্ৰধানমন্ত্ৰী মোদীক এইদৰে আক্ৰমণ কৰা বুলি ধাৰণা কৰা হৈছে।