তিনিচুকীয়া জিলা সাংবাদিক সন্থাৰ স্বীকৃতি প্ৰাপ্ত, তৈল নগৰী ডিগবৈ অঞ্চলৰ ১৯৯০ চনত গঠিত অন্যতম সাংবাদিক সংগঠন ডিগবৈ প্ৰেছ ক্লাবৰ দ্বিবাৰ্ষিক অধিবেশন খনি আজি দিনযোৰা কাৰ্য্যসূচীৰে ডিগবৈ প্ৰেছ ক্লাবৰ প্ৰাঙ্গণত অনুষ্ঠিত হৈ যায়।
পুৱাৰ ভাগত পতাকা উত্তোলন কৰে ক্লাবৰ সভাপতি ৰমনি বুঢ়াগোহাঁই আৰু স্মৃতিতৰ্পণ কৰে তিনিচুকীয়া জিলা সাংবাদিক সন্থাৰ প্ৰাক্তন সম্পাদক মনোৰঞ্জন দাসে।
ক্লাবৰ সম্পাদক অৰূপ কলিতাই আঁতধৰা অনুষ্ঠানত প্ৰেছ ক্লাবৰ প্ৰয়াত সাংবাদিক সকলৰ স্মৃতিত স্মৃতিচাৰণ কৰে ক্লাবৰ প্ৰাক্তন সম্পাদক ৰাজু হাজৰিকাই। ইয়াৰ পিছতেই ডিগবৈ প্ৰেছ ক্লাবৰ সভাপতি ৰমনি বুঢ়াগোহাঁইৰ সভাপতিত্বত অনুষ্ঠিত প্ৰতিনিধি সভাত অৰূপ কলিতাই সম্পাদকীয় প্ৰতিবেদন আৰু ৰুণু হাজৰিকাই বিত্তীয় প্ৰতিবেদন পাঠ কৰাৰ অন্তত সভাই সৰ্ববসন্মতিক্ৰমে গৃহীত কৰে।
সভাত ডিগবৈ প্ৰেছ ক্লাবৰ নামত সাংবাদিক কল্যাণ ন্যাস এটি গঠন, প্ৰেছ ক্লাবৰ এটি স্থায়ী কাৰ্য্যালয়ৰ নিৰ্মাণৰ বাবে এডোখৰ মাটিৰ ব্যৱস্থা কৰা, সাংবাদিকৰ বিভিন্ন সমস্যা আৰু ডিগবৈ অঞ্চলৰ বিভিন্ন সামাজিক সমস্যা সন্দৰ্ভত ডিগবৈ আই অ চিক এক স্মাৰক পত্ৰ প্ৰদান কৰা বাবে প্ৰস্তাৱ গ্ৰহণ কৰে।
ইয়াৰ পিছতে বিষয় বাছনি সভাত তিনিচুকীয়া জিলা সাংবাদিক সন্থাৰ সভাপতি ড৹ ঋষি দাস, সম্পাদক ৰাণাজ্যোতি নেওগ, অসম বাৰ্তাজীৱি সংঘৰ দক্ষিণ পূব মণ্ডলৰ উপসভাপতি কমল তালুকদাৰ, জিলা সন্থাৰ সহকাৰী সম্পাদক উমেশ সিং, কাৰ্যনিৰ্বাহ সদস্য হেমন্ত শইকীয়া পৰ্যবেশক ৰূপে উপস্থিত থাকে।
উক্ত বিষয় বাছনি সভাত ২০২০-২০২২ বৰ্ষৰ বাবে ৰাজু হাজৰিকাক সভাপতি, অৰূপ কলিতাক উপসভাপতি, মনোৰঞ্জন দাসক সাধাৰণ সম্পাদক, আৰমাণ আলিক সহকাৰী সম্পাদক, ৰুণু হাজৰিকাক কোষাধ্যক্ষ ৰূপে লৈ এখনি শক্তিশালী সমিতি গঠন কৰে।
জিলা সম্পাদক ৰাণাজ্যোতি নেওগ আজিৰ সভাত সভাত ভাষণ প্ৰসংগত কয় যে সুদীৰ্ঘদিন ধৰি তৈল নগৰী ডিগবৈৰ লগতে ইয়াৰ উপকণ্ঠ অঞ্চলত সকলো ধৰণৰ বা বাতৰি কৰাৰ ক্ষেত্ৰত আপোচবিহীন ভাৱে সেৱা আগবঢ়াই আহিছে ডিগবৈ প্ৰেছ ক্লাবৰ প্ৰতিজন সাংবাদিক সদস্যই।
নেওগে নৱ নিৰ্বাচিত সমিতি খনক শুভেচ্ছা জনোৱাৰ লগতে ডিগবৈ অঞ্চলটোৰ প্ৰতিটো সমস্যা বাতৰিৰ জৰিয়তে উপস্থাপন কৰাৰ ক্ষেত্ৰত নতুন সমিতিখনক গুৰু দায়িত্ব ল’বলৈ আহ্বান জনায়।
