মাৰ্ঘেৰিটা মহকুমাৰ জাগুনৰ কেনিয়া গাঁৱত এক ভয়ংকৰ পথ দুৰ্ঘটনা সংঘটিত হৈছে।
AS,23-Y-8508 নম্বৰৰ এখন মাৰুতি ৱাগনাৰ বাহনে চাৰি গৰাকীকৈ কিশোৰীক মহতিয়াই নিয়ে।
চাৰিও গৰাকী কিশোৰীক স্থানীয় ৰাইজৰ তৎপৰতাত চিকিৎসালয়লৈ প্ৰেৰণ কৰা হয় যদিও ইয়াৰ মাজৰে এগৰাকীৰ অৱস্থা সংকটজনক বুলি জানিব পৰা গৈছে।
আহত কিশোৰী কেইগৰাকী ক্ৰমে পিংকি গগৈ(১৮) পৰী গগৈ(১৪) দীপালি গগৈ(১৪), পল্লৱী বসুমতাৰী।
কিশোৰী কেইগৰাকীৰ মাজৰ পলৱী বসুমতাৰীৰ অৱস্থা অতি সংকট জনক বুলি জানিব পৰা গৈছে।
জানিব পৰা মতে কিশোৰী কেইগৰাকী ফুটবল খেল চাই ঘৰলৈ উভতি অহাৰ পথত দুৰ্ঘটনাটো সংঘটিত হয়।
দুৰ্ঘটনা সংঘটিত কৰা বাহনখন কেনিয়া গাঁৱৰ পূৰ্ণ বৰুৱাৰ পুত্ৰ বসন্ত বৰুৱাই চলাইছিল যদিও বাহনখন জাগুনৰ জনৈক লাহন নামৰ এজন যুৱকৰ বুলি জানিব পৰা গৈছে।
ইতিমধ্যে আৰক্ষীৰ লোক উপস্থিত হৈ বাহনখন জব্দ কৰিছে।
