ফেইচবুকত ভুৱা প্ৰচাৰ চলাই শলঠেকত পৰিছে মন্ত্ৰী হিমন্ত বিশ্ব শৰ্মা
এইবাৰ হিমন্তৰ বিৰুদ্ধে গোচৰ ৰুজু কৰিলে অসম প্ৰদেশ কংগ্ৰেছ কমিটিয়ে।
কংগ্রেছৰ হৈ সাধাৰণ সম্পাদক ৰঞ্জন বৰাই ভঙাগড় থানাত দাখিল কৰে এজাহাৰ।
বৰ্তমানলৈকে আৰক্ষীয়ে গোচৰ ৰুজু কৰা নাই বুলি জানিব পৰা গৈছে।
ভাৰতীয় দণ্ডবিধিৰ ১৫৩(A) ৰ অধীনত গোচৰ ৰুজু কৰিবলৈ আৰক্ষীক আহ্বান জনায় প্ৰদেশ কংগ্ৰেছে।
উগ্ৰ সাম্প্ৰদায়িক কথাৰে সমাজত বিষবাষ্প বিয়পোৱাৰ অভিযোগ হিমন্তৰ বিৰুদ্ধে।
হিমন্ত বিশ্ব শৰ্মাই শিলচৰ বিমান বন্দৰত আজমলৰ সমৰ্থকে এআইয়ুডিএফৰ বিধায়ক ‘আজিজ খান’ জিন্দাবাদটো ‘পাকিস্তান জিন্দাবাদ’ বুলি প্ৰচাৰ চলোৱা বুলি কংগ্ৰেছী নেতাই কয়।
শীঘ্ৰে হিমন্ত বিশ্ব শৰ্মাক গ্ৰেপ্তাৰ কৰিবলৈ দাবী জনাই কংগ্ৰেছে।
আৰক্ষীয়ে পক্ষপাতমূলক আচৰণ কৰি প্ৰাপ্তি স্বীকাৰ পত্ৰ দিয়ো ওভোটাই লৈছিল বুলি অভিযোগ প্ৰদেশ কংগ্রেছৰ।
ইয়াকে লৈ উত্তপ্ত পৰিস্থিতিৰ সৃষ্টি হোৱাত পুনৰ প্ৰাপ্তি স্বীকাৰ পত্ৰ কংগ্ৰেছক ঘূৰাই দিয়ে।
এজাহাৰ দাখিল কৰি আহি প্ৰদেশ কংগ্ৰেছৰ জ্যেষ্ঠ মুখপাত্ৰ দুৰ্গাদাস বড়োৱে সংবাদ মাধ্যমৰ আগত কয় ‘সাম্প্ৰদায়িক মন্তব্যই কিমান কোটি-কোটি মানুহৰ ক্ষতি পাৰে হিমন্ত বিশ্ব শৰ্মাই অনুভৱ নকৰি কেৱল বজৰুৱা প্ৰচাৰ কৰিলে।‘
‘সামান্য এটা ফেইচবুক পোষ্টৰ বাবে বহুতকে অসম আৰক্ষীয়ে গ্ৰেপ্তাৰ কৰি কাৰাগাৰলৈ পঠিয়াইছে। চিচি কেমেৰা ফুটেজত বহু অপৰাধীক গ্ৰেপ্তাৰ কৰাৰ উদাহৰণ আছে। তেনে ক্ষেত্ৰত মুখ্যমন্ত্ৰীয়ে তেওঁৰ মন্ত্ৰীক সাহস আছে যদি গ্ৰেপ্তাৰ কৰি দেখাওঁক।‘ মুখ্যমন্ত্ৰীক প্ৰত্যাহ্বান জনাই এইদৰে কয় দুৰ্গাদাস বড়োৱে।