পুনৰবাৰ ম্যানমাৰত ক্ষমতা দখল কৰিবলৈ সক্ষম হৈছে আং ছান ছ্যু কিৰ দলে।
ম্যানমাৰৰ শেহতীয়া নিৰ্বাচনত ছ্যু কীৰ দলে চৰকাৰ গঠন কৰিব পৰাকৈ একক সংখ্যা গৰিষ্ঠতা অৰ্জন কৰিবলৈ সক্ষম হয়।
ম্যানমাৰৰ চৰকাৰী ৱেবচাইটত উল্লেখ কৰা অনুসৰি ছ্যু কীৰ নেশ্যনেল লীগ ফৰ ডেম’ক্ৰেচি পাৰ্টিয়ে বৰ্তমানলৈ ঘোষণা হোৱা ৪১২ খন আসনৰ ভিতৰত ৩৪৬ খন আসনত বিজয়ী হৈছে।
ম্যানমাৰত কোনো ৰাজনৈতিক দলে চৰকাৰ গঠন কৰিবলৈ হ’লে মুঠ ৩২২ খন আসন দখল কৰিব লাগে।
উল্লেখযোগ্য যে, এটা দশক পূৰ্বে ম্যানমাৰত সেনা বাহিনীৰ শাসনৰ অন্ত পৰাৰ পাছত ম্যানমাৰত এয়া হৈছে দ্বিতীয়টো নিৰ্বাচন।
প্ৰথমটো নিৰ্বাচনতো ছু কীৰ দলে বিজয় সাব্যস্ত কৰিছিল আৰু ছ্যু কীয়ে ম্যানমাৰৰ ৰাষ্ট্ৰপতি হিচাপে শপত গ্ৰহণ কৰি দায়িত্বভাৰ চম্ভালিছিল।
পুনৰবাৰ ম্যানমাৰৰ নিৰ্বাচনত ছ্যু কীৰ দলে বিজয়ী হোৱাৰ পাছত আকৌ এবাৰ আং ছান ছ্যু কী ম্যানমাৰৰ ৰাষ্ট্ৰপতি হোৱাটো প্ৰায় নিশ্চিত হৈছে।
