আৰু ৰাস্তা নাই! অৱশেষত ৰাজহুৱাভাৱে পৰাজয় স্বীকাৰ কৰিলে ডোনাল্ড ট্ৰাম্পে

আমেৰিকাৰ নিৰ্বাচনত অৱশেষত নিজৰ পৰাজয় স্বীকাৰ কৰিলে ৰাষ্ট্ৰপতি ডোনাল্ড ট্ৰাম্পে। জো বিডেন নিৰ্বাচনত বিজয়ী হৈছে সেই কথা ক’লে ট্ৰাম্পে।

অৱশ্যে, ভোটৰ ক্ষেত্ৰত তোলা প্ৰৱঞ্চনাৰ অভিযোগ দোহাৰিবলৈ নাপাহৰিলে।

দেওবাৰে টুইটাৰত ট্ৰাম্পে বিডেনৰ বিজয়ৰ কথা লিখে। লগতে ভোটগ্ৰহণত প্ৰৱঞ্চনাৰ কথাও কয়।

উল্লেখ্য যে নিৰ্বাচনত পৰাজিত হোৱাৰ পাছত ট্ৰাম্পে কোনোমতে পৰাজয় স্বীকাৰ কৰা নাছিল।

তেওঁ কয় যে নিৰ্বাচনটোত ৰিগিং হৈছে, সেয়েহে বিডেন জিকিছে। ভোট গণনাত কোনো নিৰীক্ষক বা পৰ্যবেক্ষকক থকাৰ অনুমতি দিয়া নহ’ল। কট্টৰ বাওঁপন্থী বেচৰকাৰী প্ৰতিষ্ঠান তথা মুক সংবাদমাধ্যমে ভোট ইপাল-সিফাল কৰাত সহযোগ কৰিছে।

He won because the Election was Rigged. NO VOTE WATCHERS OR OBSERVERS allowed, vote tabulated by a Radical Left privately owned company, Dominion, with a bad reputation & bum equipment that couldn’t even qualify for Texas (which I won by a lot!), the Fake & Silent Media, & more! https://t.co/Exb3C1mAPg

— Donald J. Trump (@realDonaldTrump) November 15, 2020

ইয়াৰ পূৰ্বে ট্ৰাম্পৰ পত্নী মেলানিয়া, কন্যা ইভাংকা আৰু জোঁৱাই জাৰেদ কুছনাৰে ট্ৰাম্পক পৰাজয় স্বীকাৰ কৰাৰ তথা বাস্তৱ মানি লোৱাৰ বাবে পৰামৰ্শ দিছিল যদিও কোনো ফল হোৱা নাছিল।

হোৱাইট হাউছলৈ গৈ কুছনাৰে ট্ৰাম্পক বুজাবলৈ কৰা চেষ্টা ব্যৰ্থ হোৱাৰ লগতে পিতৃৰ আঁকোৰগোজ স্বভাৱৰ লজ্জিত হৈ পৰা ইভাংকাই কেইবাবাৰো ট্ৰাম্পক বুজোৱাৰ চেষ্টা কৰিছিল।

ৰাষ্ট্পতি নিৰ্বাচনত বিজয়ী ঘোষিত ডেম’ক্ৰেট প্ৰাৰ্থী জো বিডেনে ৩০৬টা ইলেক্ট্ৰ’ৰেল কলেজত বিজয় সাৱ্যস্ত কৰাৰ বিপৰীতে ৰিপাব্লিকান প্ৰাৰ্থী বিদায়ী ৰাষ্ট্ৰপতি ডোনাল্ড ট্ৰাম্পে ২৩২টাতহে নিজৰ বিজয় সাৱ্যস্ত কৰে।