গুণ্ডাৰাজ,সন্ত্ৰাসবাদ আৰু প্ৰশাসনিক সন্ত্ৰসবাদেৰে চলিছে তিৱা স্বায়ত্ত্ব পৰিষদৰ নিৰ্বাচন ।
‘নৰ্ষ্ট ইষ্ট নাওৰ’ আগত সৰৱ হৈ জাগীৰোডত এই মন্তব্য কৰে ১০নং নগাওঁ সংসদীয় লোক সভা সমষ্টিৰ সাংসদ প্ৰদ্যুৎ বৰদলৈয়ে ৷
তিৱা স্বায়ত্ত পৰিষদৰ ১৩নং নেলী খলা সমষ্টিৰ নিৰ্বাচনী কাৰ্যালয় উদ্ধোধন কৰিবলৈ আহি শাসকীয় গেৰুৱা দলটোক ক্ষুৰধাৰ সমালোচনাৰে থকা-সৰকা কৰে সাংসদ গৰাকীয়ে ৷
মুকলি অনুষ্ঠানত স্থানীয় বিধায়ক তথা মন্ত্ৰী পীযুষ হাজৰিকাকো তীৰ্যক ভাষাৰে সমালোচনা কৰে তেওঁ৷
অনুষ্ঠানত উপস্থিত থাকে প্ৰাক্তন মন্ত্ৰী বুবুল দাস, জিলা কংগ্ৰেছৰ সভাপতি বীৰ কুমাৰ কোঁৱৰ সহ মৰিগাঁও জিলা সমিতিৰ তৃণমূল কৰ্মীসকলৰ লগতে দলীয় বিষয়ৱবীয়াসকল ।
