বলীউডৰ সম্ভাৱনাপূৰ্ণ নায়িকাসকলৰ ভিতৰত হুমা কুৰেছিও এগৰাকী।
বলীউডৰ কেইবাখনো ছবিত অভিনয় কৰি হুমাই ইতিমধ্যে দৰ্শকৰ মৰম বুটলিবলৈ সক্ষম হৈছে।
হুমা কুৰেছিকলৈ এতিয়া ছ’চিয়েল মিডিয়াত প্ৰতিবাদৰ জোৱাৰ উঠা পৰিলক্ষিত হৈছে।
এই প্ৰতিবাদৰ কাৰণ হিচাবে বহুতেই কব বিচাৰিছে যে অভিনেত্ৰী হুমা কুৰেছিয়ে ‘মহাপাপ’ কৰিছে।
সেই ‘মহাপাপ’ৰ বাবেই তেওঁক গৰিহণা দিছে বহু নেটিজেনে।
কিন্তু কি পাপ কৰিলে হুমা কুৰেছিয়ে?
দৰাচলতে অভিনেত্ৰী হুমাই শেহতীয়াকৈ ইনষ্টাগ্ৰামত তেওঁৰ এখন ফটো আপলোড কৰিছে। ফটো খনত হুমাই মদৰ গিলাছ সন্মুখতৈ লৈ বহি থকা দেখা গৈছে।
View this post on Instagram
কেৱল সেয়াই নহয়, হুমাই লগতে এই বুলি কৈছে যে শীতৰ দিনত মুম্বাইত বহি থাকি তেওঁ গ্ৰীষ্মৰ অনুভূতি লাভ কৰিছে। সেয়ে গৰমৰ পৰা ৰক্ষা পৰি নিজকে সতেজ কৰি ৰাখিবলৈ তেওঁ পেগৰ আশ্ৰয় লৈছে।
হুমাই আনকি শৰীৰৰ সতেজ কৰি তুলিব পৰা মদৰ পেগ কিদৰে তৈয়াৰ কৰিব পাৰি তাৰো টিপছ্ দিছে।
এই কথাতে ক্ষুদ্ধ হৈ পৰিছে কঠোৰপন্থী মুছলমান লোকসকল।একাংশই এই বুলি কৈছে যে ইছলামত মদ খোৱাটো পাপ আৰু হুমাই সেই পাপেই কৰিছে।
পাপ কৰাৰ বাবে বহুতে ছ’চিয়েল মিডিয়াত হুমাক অতি কঠোৰ ভাষাৰে সমালোচনা কৰা দেখা গৈছে।
উল্লেখ্য ইয়াৰ পূৰ্বেও সূৰ্য প্ৰণাম কৰাৰ বাবে বা আন কোনো মন্তব্যৰ বাবে বলীউডৰ বহু অভিনেতা-অভিনেত্ৰী মৌলবাদীৰ ৰোষত পৰিবলগীয়া হৈছিল।
