কৰ’না ভাইৰাছৰ প্ৰথম ড’জ ল’লে আমেৰিকাৰ নৱ নিৰ্বাচিত ৰাষ্ট্ৰপতি জো বিডেনে। সোমবাৰে ক্ৰিষ্টিয়ানা হাস্পাতলত ফাইজাৰ-বায়’এনটেকৰ কৰ’না ভেকচিন গ্ৰহণ কৰে বিডেনে।
সমগ্ৰ আমেৰিকাবাসীক আশ্বস্ত কৰাৰ বাবে এই কাৰ্যসূচী পোনপটীয়াকৈ লাইভ টিভিত সম্প্ৰচাৰ কৰা হয়।
বৰ্তমান ৭৮ বছৰীয়া জো বিডেন অতি সংক্ৰামক শ্বাসকষ্টজনিত ৰোগৰ বাবে কৰ’নাৰ আটাইতকৈ বিপদজনক শ্ৰেণীত আছে।
ইপিনে, ভেকচিনৰ সীমিত যোগানৰ বাবে বহুতেই স্বাস্থ্যকৰ্মী তথা হাস্পাতলৰ স্বাস্থ্য বিষয়াসকলৰ লগতে কৰ্মৰত চিকিৎসাকৰ্মীসকলক প্ৰথমে ভেকচিন প্ৰয়োগৰ কথা কৈছে। এই সন্দৰ্ভত বিডেনে কয় যে ইয়াৰ কৃতিত্ব প্ৰশাসনৰ।
বিডেনে লগতে জনসাধাৰণক মাস্ক পৰিধান কৰিবলৈ আহ্বান জনায়। তদুপৰি, সাধাৰণ লোকক উদ্দেশ্যি কয় যে যদি কোনো বিশেষ জৰুৰী নহয়, তেতিয়াহ’লে কোনোৱে যাতে বাহিৰলৈ নাযায়।
ভেকচিন লোৱাৰ পাছত টুইটাৰত বিডেনে কয় ‘’আজি মই কৰ’নাৰ ভেকচিন ল’লো। যিসকলে এই বেকচিন আৱিষ্কাৰ কৰিছে, সেই সকলো বিজ্ঞানী আৰু গৱেষকৰ প্ৰতি মই কৃতজ্ঞ।মোৰ প্ৰিয় আমেৰিকাবাসী, আৰু কোনো চিন্তা নাই। ভেকচিন বজাৰলৈ আহিলেই আপোনালোকে নিব পাৰিব।‘’
Today, I received the COVID-19 vaccine.
To the scientists and researchers who worked tirelessly to make this possible — thank you. We owe you an awful lot.
And to the American people — know there is nothing to worry about. When the vaccine is available, I urge you to take it. pic.twitter.com/QBtB620i2V
— Joe Biden (@JoeBiden) December 22, 2020
আনহাতে, কেবল বিডেনেই নহয়, প্ৰাক্তন ৰাষ্ট্ৰপতি বিল ক্লিন্টন, জৰ্জ বুশ্ব আৰু বাৰাক অ’বামাইয়ো কৰ’নাৰ ভেকচিন ল’বলৈ আগ্ৰহ প্ৰকাশ কৰিছে। কিন্তু ডোনাল্ড ট্ৰাম্পে এতিয়াও ভেকচিন গ্ৰহণ কৰা নাই আৰু ভেকচিন ল’বনে নে নাই সেয়াও প্ৰকাশ কৰা নাই।
