ক’ৰ’না ভাইৰাছৰ নতুন ষ্ট্ৰেইনে বিশ্বৰ বিভিন্ন প্ৰান্তত বিয়পি পৰাৰ পিছত এইবাৰ চীনো ইয়াৰ কৱলত পৰা বুলি এক খবৰ লাভ কৰা গৈছে।
চীনৰ পৰা উৎপত্তি হোৱা ক’ৰ’না ভাইৰাছৰ শেহতীয়া নতুন ষ্ট্ৰেইনৰ এটা ঘটনা পোহৰলৈ অহাৰ কথা ৰয়টাৰ্ছে জনাইছে।
অৱশ্যে ইয়াৰ সবিশেষ এই পৰ্যন্ত জানিব পৰা হোৱা নাই।
উল্লেখ্য যে প্ৰথমে ক’ৰ’নাৰ নতুন ষ্ট্ৰেইন বৃটেইনত ধৰা পৰিছিল যদিও এতিয়া য়ুৰোপৰ লগতে বিশ্বৰ বিভিন্ন দেশলৈ বিয়পি পৰিছে এই নতুন ধৰণৰ ক’ৰ’না।
পূৰ্বতকৈয়ো অধিক সংহাৰী ৰূপত মূৰ দাঙি উঠা ক’ৰ’নাৰ নতুন ষ্ট্ৰেইনে এতিয়া চিন্তাত পেলাইছে চিকিৎসক-বিজ্ঞানীসকলক।
শেহতীয়াকৈ দেখা দিয়া ক’ৰ’নাৰ নতুন ষ্ট্ৰেইনে আক্ৰমণৰ লক্ষ্য যেন সলনি কৰিছে। এইবাৰ বয়সীয়াল লোকৰ সলনি কম বয়সৰ ল’ৰা-ছোৱালীক অধিক আক্ৰান্ত কৰাৰ তথ্য পোৱা গৈছে।
