সমাগত বিধান সভা নিৰ্বাচন। এইবাৰ নিৰ্বাচনত ভোট বৰ্জনৰ হুংকাৰ শিৱসাগৰৰ এখন গাঁৱৰ। গাওঁখন শিৱসাগৰ জিলাৰ দিচাংমুখৰ অফলা মিচিং গাওঁ।
দীৰ্ঘদিন ধৰি গৰাখহনীয়াৰ কবলত গাওঁখন। ব্ৰহ্মপুত্ৰ আৰু দিচাং নদীৰ গৰাখহনীয়াই গাওঁখনলৈ ভাবুকি কঢ়িয়াই আনিছে।
খৰালিত কুম্ভকৰ্ণ নিদ্ৰাত থকা জল সম্পদ বিভাগে গৰাখহনীয়া ৰোধৰ বাবে গ্ৰহণ কৰা নাই কোনো ব্যৱস্থা। মাথোঁ বাৰিষা বানপানীৰ সময়ত কেইটামান বস্তা দি গৰাখহনীয়া ৰুধিবলৈ অহে আহে বিভাগীয় কৰ্তৃপক্ষ।
ইপিনে, স্থানীয় লোকে কেইবাবাৰো মুখ্যমন্ত্ৰী, বিভাগীয় মন্ত্ৰী, স্থানীয় সাংসদক গৰাখহনীয় সমস্যাটো সমাধানৰ বাবে কেইবাবাৰো জনাইছিল যদিও কোনো গুৰুত্ব দিয়া নাই এইসকল জনপ্ৰতিনিধিয়ে।
দুবাৰকৈ বিভাগীয় মন্ত্ৰীয়ে নৌকা বিহাৰৰ জড়িয়তে অফলাৰ গৰাখহনীয়া অঞ্চল পৰিভ্ৰমণ কৰিছিল আৰু কম সময়ৰ ভিতৰত চৰকাৰে সমস্যাটো সমাধান কৰিব বুলি প্ৰতিশ্ৰুতি প্ৰদান কৰিছিল। কিন্তু সেই প্ৰতিশ্ৰুতি প্ৰতিশ্ৰুতি হৈয়ে ৰল।
স্থানীয় যুৱকৰ দাবী, আমাক পঞ্চাশ হাজাৰ টকা নালাগে, চৰকাৰী অভিলাষী আঁচনি নালাগে। চৰকাৰে এই গৰাখহনীয়া সমস্যাৰ স্থায়ী সমাধান কৰি দিয়ক।
পাঁচবছৰৰ মূৰে মূৰে চৰকাৰ আহিছে আৰু গৈছে। কিন্তু ১৯৯৮ চনৰ পৰাই অফলাবাসীয়ে সন্মুখীন হৈ আহিছে এই গৰাখহনীয়া সমস্যাৰ। বিগত ২৩ টা বছৰে কোনো এখন চৰকাৰে স্থায়ী সমাধান নকৰিলে এই সমস্যাৰ।
