কমনৱেলথ গেমছত সোণৰ পদক বিজয়ী শ্বুটাৰ মানু ভাকাৰক দুৰ্ব্যৱহাৰ এয়াৰ ইণ্ডিয়াৰ কৰ্মচাৰীৰ

কমনৱেলথ ক্ৰীড়াৰ সোণৰ পদক বিজয়ী ভাৰতীয় শ্বুটাৰ মানু ভাকাৰক দুৰ্ব্যৱহাৰ কৰি বিতৰ্কৰ আৱৰ্তত সোমাই পৰিছে এয়াৰ ইণ্ডিয়াৰ দুগৰাকী কৰ্মচাৰী।

শুকুৰবাৰে ভূপালৰ পৰা দিল্লীলৈ যাত্ৰা কৰাৰ সময়ত মানু ভাকাৰক এয়াৰ ইণ্ডিয়াৰ দুই কৰ্মচাৰীয়ে এই দুৰ্ব্যৱহাৰ কৰাৰ অভিযোগ উত্থাপন কৰিছে ক্ৰীড়াবিদগৰাকীয়ে।

অভিযোগ অনুসৰি DGCA-ৰ অনুমতি পত্ৰ থকা স্বত্বেও তাৰকা শ্বুটাৰগৰাকীৰ নিজৰ বন্দুক-গুলী এয়াৰ ইণ্ডিয়াৰ বিমান উঠোৱাত বাধা প্ৰদান কৰে প্ৰতিষ্ঠানটোৰ দুগৰাকী কৰ্মচাৰীয়ে।

মানু ভাকাৰে অভিযোগ কৰা মতে বহুবাৰ বুজাই কোৱাৰ পিছতো তেওঁক কৰ্মচাৰী দুগৰাকীয়ে তেওঁৰ পিষ্টল আৰু গুলীসমূহ বিমান উঠোৱাত বাধা দিয়ে।

IGI Delhi .Going to Bhopal (MP Shooting Acadmy
For my training i need to carry weapons and ammunition, Request @airindiain Officials to give little respect or at least don’t Insult players every time &please don’t ask money. I Have @DGCAIndia permit @HardeepSPuri @VasundharaBJP pic.twitter.com/hYO8nVcW0z

— Manu Bhaker (@realmanubhaker) February 19, 2021

অৱশেষত কেন্দ্ৰীয় ক্ৰীড়ামন্ত্ৰী কীৰেণ ৰিজিজুৰ হস্তক্ষেপত বিমান প্ৰতিষ্ঠানটোৰ কৰ্মচাৰী দুগৰাকীয়ে তাৰকা শ্বুটৰগৰাকীক পিষ্টল আৰু গুলীসহ বিমানত উঠিবলৈ দিয়ে।

ইয়াৰ পিছতে দুই অভিযুক্ত কৰ্মচাৰী বিৰুদ্ধে শাস্তিৰ দাবী উত্থাপন কৰিছে তাৰকা শ্বুটাৰ মানুৱে। সমগ্ৰ ঘটনাটোৰ বাবে এয়াৰ ইণ্ডিয়াৰ কৰ্তৃপক্ষই মানু ভাকাৰৰ ওচৰত ক্ষমা প্ৰাৰ্থনাও কৰিছে।

অভিযোগ মতে মনোজ গুপ্ত আৰু আন এগৰাকী এয়াৰ ইণ্ডিয়াৰ কৰ্মচাৰীয়ে মানুৰ লগত পিষ্টল থকাৰ অনুমতি থাকিলেও বিমানত উঠাত বাধা প্ৰদান কৰি জৰিমনা হিচাপে ১০ হাজাৰ ২০০ টকা দিবলৈ দাবী কৰিছিল।