প্ৰাৰ্থিত্বকেন্দ্ৰিক সংঘাতত বিধ্বস্ত হৈ পৰিছে অগপ।
নিৰ্বাচনৰ দিন চমু চাপি অহাৰ সময়তে ৰাজ্যত সঘনাই সলনি হৈছে ৰাজনৈতিক সমীকৰণ ৷
প্ৰাৰ্থিত্বকেন্দ্ৰিক সংঘাতে প্ৰতিটো ৰাজনৈতিক দলত ক্ষোভৰ উদগীৰণ ঘটোৱা দেখিবলৈ পোৱা গৈছে ৷
ইয়াৰ ব্যতিক্ৰম ঘটা নাই অগপ দলতো।
সাম্প্ৰতিক পৰিস্থিতিত কোনোৱাই হয়তো কংগ্ৰেছ ত্যাগ কৰি বিজেপিত আন কোনোৱাই বিজেপি ত্যাগ কৰি অগপত যোগদান কৰিছে৷
এইদৰেই দলীয় প্ৰাৰ্থিত্বকেন্দ্ৰিক সংঘাতত সঘনাই সলনি হৈছে ৰাজনৈতিক সমীকৰণ ৷
সমান্তৰালভাৱে চতিয়াতো অগপ দলৰ শতাধিক কৰ্মীয়ে দল ত্যাগৰ দৰে সিদ্ধান্তত উপনীত হৈছে ৷
বিশ্বনাথ সমষ্টিৰ টিকট অগপ দলৰ প্ৰবীণ হাজৰিকাক মিত্ৰজোঁট চৰকাৰৰ লগত মিলিত হৈ থকা অগপ দলে নিদিয়াৰ বাবে ক্ষোভিত হৈ পৰিছে দলীয় বিষয়ববীয়া তথা কৰ্মী ৷
সেয়ে চতিয়াত দলীয় বিষয়ববীয়াসকল মিলিত হৈ বিশ্বনাথ সমষ্টিৰ চতিয়া মৌজাৰ অগপ নগৰ কমিটি , ৬ নং আঞ্চলিক আৰু ৪ নং আঞ্চলিকৰ শতাধিক বিষয়ববীয়াই অগপ দলৰ পৰা পদত্যাগ কৰে ৷
ফলত সমষ্টিটোত গভীৰ সংকটৰ গৰাহত পৰিব মিত্ৰজোঁটৰ প্ৰাৰ্থীগৰাকী।
