চলচ্চিত্ৰৰ কাহিনীৰ দৰেই ঘটিল এই ঘটনা। বিয়াৰ মাত্ৰ পাঁচ ঘন্টাৰ ভিতৰতে টকা-পইচা, আ-অলংকাৰ লৈ পলাই গ’ল কইনা।
শুনিবলৈ আচৰিত যেন লাগিলেও উত্তৰ প্ৰদেশৰ শ্বাহজাহানপুৰত সংঘটিত হৈছে এনে এক ঘটনা।
বাতৰি অনুসৰি, শ্বাহজাহানপুৰৰ পোয়ায়ানৰ বাসিন্দা ৩৪ বছৰীয়া এগৰাকী ব্যক্তিয়ে নিজৰ বাবে কইনা বিচাৰি হাবাথুৰি খাইছিল।
তেনে সময়তে ব্যক্তিগৰাকীৰ বৌৱেকে ফাৰুকাবাদৰ বাসিন্দা কইনাগৰাকীৰ সন্ধান আনি দিয়ে। ব্যক্তিগৰাকীৰ জনা শুনা দুগৰাকী লোকেও কইনাৰ পৰিয়ালক চিনি পোৱাৰ কথা জনায়।
ইয়াৰ পাছতে বিয়াৰ কথা চূড়ান্ত হয়। কিন্তু ছোৱালীজনীৰ পৰিয়ালে জানিবলৈ দিয়ে যে তেওঁলোক খুব দুখীয়া। সেয়েহে, বিয়াৰ বাবে কিছু টকাৰ প্ৰয়োজন।
ইয়াৰ পাছত দৰাৰ ঘৰৰ পৰা কইনাৰ পৰিয়াললক ৩০ হাজাৰ টকা দিয়া হয়। যোৱা শুকুৰবাৰে ফাৰুকাবাদৰ এটা মন্দিৰত তেওঁলোকৰ বিয়া সম্পন্ন হয় আৰু দৰা-কইনা পোয়ায়ানলৈ গুচি যায়।
পিচে, ইয়াৰ কেইঘন্টামান পাছতে দৰাঘৰৰ লোকসকলৰ মূৰত বজ্ৰপাত পৰাদি পৰে। তেওঁলোকে গম পায় যে টকা-পইচা আৰু আ-অলংকাৰ লৈ কইনা পলাই গ’ল। লগতে সেই ব্যক্তি দুগৰাকীৰো সন্ধান নাই।
দৰাৰ পৰিয়ালে তেওঁলোকক বিচাৰি অভিযান আৰম্ভ কৰে। কিন্তু তাতো কোনো লাভ নহ’ল। অৱশেষত দেওবাৰে তেওঁলোকে আৰক্ষীৰ ওচৰত অবিযোগ দাখিল কৰে।
আৰক্ষীয়ে ইতিমধ্যে অবিযুক্ত কেইজনৰ বিৰুদ্ধে অভিযান চলাই আছে আৰু দৰাৰ লগতে দৰাৰ বৌৱেকৰ ভাষ্য লিপিবদ্ধ কৰিছে।
