বাংলাদেশৰ মুক্তিযোদ্ধা তথা বংগবন্ধু শ্বেইখ মুজিবুৰ ৰহমানৰ আজি ১০১ সংখ্যক জন্ম দিৱস।
বংগবন্ধু শ্বেইখ মুজিবুৰ ৰহমানৰ আজিৰ ১০১ সংখ্যক জন্ম তিথিত ভাৰতৰ প্ৰধানমন্ত্ৰী নৰেন্দ্ৰ মোদীয়ে শ্ৰদ্ধাঞ্জলি জ্ঞাপন কৰিছে।
নিজৰ টুইটাৰ একাউন্টত টুইট কৰি প্ৰধানমন্ত্ৰী মোদীয়ে লিখিছে, “মানৱ অধিকাৰ আৰু স্বাধীনতাৰ চেম্পিয়ন বংগবন্ধু শ্বেখ মুজিবুৰ ৰহমানৰ জন্মবাৰ্ষিকীত তেওঁৰ প্ৰতি মোৰ আন্তৰিক শ্ৰদ্ধাঞ্জলি যাঁচিলো। তেওঁ ভাৰতীয়সকলৰ বাবেও এজন নায়ক। এমাহৰ পিছত বাংলাদেশে উদযাপন কৰা ঐতিহাসিক মজিববৰ্ষ অনুষ্ঠানত মই অংশগ্ৰহণ কৰিবলৈ পোৱাটো মোৰ বাবে গৌৰৱৰ কথা হ’ব।”
আনহাতে বাংলাদেশত ৰাষ্ট্ৰীয়ভাৱে উদযাপন কৰা হৈছে বংগবন্ধু শ্বেইখ মুজিবুৰ ৰহমানৰ জন্ম বাৰ্ষিকী।
ঢাকা ট্ৰিবিউনৰ মতে এইবাৰ বংগবন্ধুৰ জন্ম বাৰ্ষিকী আৰু শিশু দিৱসৰ থিম হৈছে “বংগবন্ধুৰ জন্মদিনত শিশুৰ জীৱন ৰঙীন হ’বলৈ দিয়ক”।
ভাৰতৰ বৈদেশিক মন্ত্ৰী ডঃ এছ জয়শংকৰেও বংগবন্ধু শ্বেইখ মুজিবুৰ ৰহমানৰ ১০১ সংখ্য জন্ম বাৰ্ষিকীত শ্ৰদ্ধাঞ্জলি জ্ঞাপন কৰিছে।
বংগবন্ধুৰ মুজিবৰ জন্ম বাৰ্ষিকীৰ উপলক্ষ্যে তেওঁৰ কন্যা তথা বাংলাদেশৰ প্ৰধানমন্ত্ৰী শ্বেইখ হাছিনাই দেশবাসীলৈ এক বাৰ্তাও প্ৰেৰণ কৰিছে।
