দুৰ্ঘটনাৰ পৰা কথমপি ৰক্ষা পৰিল নিৰ্বাচনী প্ৰচাৰত ব্যৱহৃত অসম জাতীয় পৰিষদৰ হেলিকপ্টাৰ এখন। উপায়ন্তৰ হৈ পাইলটে হেলিকপ্তাৰ খনৰ ইমাৰ্জেন্সি লেণ্ডিং কৰে৷
যোৰহাটৰ ৰৰৈয়া বিমান বন্দৰত ৪:৪৫ বজাত কৰা হয় এই লেণ্ডিং৷
হেলিকপ্টাৰত আছিল জিয়াউৰ ৰহমান, জেৰিফা ৱাহিদ, সম্বিত শৰ্মা আৰু মিৰাজ ফাৰুক৷
লাহৰিঘাটত নিৰ্বাচনী প্ৰচাৰ চলাই উভতিছিল ডিব্ৰুগড়লৈ৷
পুৱা ১০ বজাত হেলিকপ্টাৰখনে ডিব্ৰুগড় মেহনবাৰী বিমান বন্দৰৰ পৰা চাৰিওজনকে লৈ উৰা মাৰিছিল লাহৰিঘাটলৈ৷
ওভতাৰ পথত কাজিৰঙাৰ ওপৰত হেলিকপ্টাৰখনক ঘুৰ্ণী বতাহে আগুৰি ধৰে৷
পাইলটে দক্ষতাৰে প্ৰত্যাহ্বান নেওচি ৪:৪৫ বজাত যোৰহাটত অৱতৰণ কৰোৱায় হেলিকপ্টাৰখন৷
ধুমুহাৰ বাবে ৪৫ মিনিট আকাশতে উৰি ফুৰিছিল হেলিকপ্টাৰখন৷
