মহাজোটৰ পৰাজয়ৰ কাৰণ ৰাইজৰ দল নহয় বুলি এক সংবাদমেল যোগে দাবী কৰে ৰাইজৰ দলৰ কাৰ্যকৰী সভাপতি ভাস্ক’ ডি শইকীয়াই।
কংগ্ৰেছ দলৰ জাতীয়তাবাদী শক্তিক কৰা উপেক্ষা কাৰণেহে পৰাজয় হৈছে বুলি দাবী কৰি শইকীয়াই কয় ‘কংগ্ৰেছৰ ৰণনীতিত বহুত ভুল আছিল আৰু নেতৃত্বৰ ভুলৰ বাবেই তেওঁলোকে চৰকাৰ গঠন কৰিব নোৱাৰিলে।‘
ইপিনে, ১২৬ টা সমষ্টিৰ ভিতৰত কেৱল ৩৮ টা সমষ্টিতহে ৰাইজৰ দলে প্ৰতিদ্বন্দ্বিতা কৰিছিল বুলি উল্লেখ কৰি শইকীয়াই লগতে কয় ‘বাকী ৮৮ টা সমষ্টিৰ ভিতৰত কংগ্ৰেছে জয়ী হৈ চৰকাৰ গঠন কৰিব নোৱাৰিলে কিয়? তেওঁলোকে ৯৩ আসনত প্ৰতিদ্বন্দ্বিতা কৰি কেৱল ২৯ খন আসনহে লাভ কৰিছে।‘
ইপিনে, শইকীয়াৰ দাবী ‘মৰিয়নি সমষ্টি আৰু বৰক্ষেত্ৰী সমষ্টিত ৰাইজৰ দলে প্ৰাৰ্থিত্ব উঠাই লৈ ৰাইজৰ দলে কংগ্ৰেছক সমষ্টি দুটা উপহাৰ দিলে।‘
তদুপৰি, ৰাইজৰ দলে কংগ্ৰেছৰ ৰাজনৈতিক পথ প্ৰশস্ত কৰি দিছিল বুলি তেওঁ উল্লেখ কৰে।
টিয়ক সমষ্টিত ৰাইজৰ দলৰ প্ৰাৰ্থী নথকা হলে কংগ্ৰেছ জয়ী হ’লহেঁতেন বুলি ভাস্ক’ডি শইকীয়াই প্ৰশ্ন কৰে।
ইপিনে, ৰাইজৰ দলে দেখ দেখ কৈ নাওবৈছা, থাওৰা, মৰিয়নী আৰু বৰক্ষেত্ৰী মুঠ ৪ টা সমষ্টি কংগ্ৰেছক উপহাৰ দিছে বুলি উল্লেখ কৰি লগতে কয় ‘কংগ্ৰেছৰ ভুল ৰণনীতি কৰি এতিয়া আনলৈ দোষ ঠেলি দিছে। কংগ্ৰেছক কোনো ৰাজ্যই এতিয়া বিশ্বাসত ল’ব পৰা নাই।‘