দেশৰ লগতে ৰাজ্যৰ লগতে কোভিড সংক্ৰমণে ভয়াৱহ ৰূপ ধাৰণ কৰাৰ পৰিপ্ৰেক্ষিত আৰু কঠোৰ পদক্ষেপ গ্ৰহণ কৰিব ৰাজ্যৰ চৰকাৰৰ তথা আৰক্ষী প্ৰশাসনে।
অসমৰ মুখ্য সচিব জিষ্ণু বৰুৱা আৰু আৰক্ষী সঞ্চালক প্ৰধানে এক সংবাদ মেল সম্বোধন কৰি আজি নতুন কোভিড প্ৰটক’লৰ ঘোষণা কৰে।
সংবাদ মেলত অসমৰ বৰ্তমান কোভিড পৰিস্থিতিৰ পৰিসংখ্যা ব্যাখ্যা কৰাৰ লগতে কোভিড সংক্ৰমণ নিয়ন্ত্ৰণৰ ক্ষেত্ৰত চৰকাৰ প্ৰশাসনে আৰু অধিক কঠোৰ পদক্ষেপ গ্ৰহণ কৰা হ’ব বুলি শীৰ্ষ বিষয়াদ্বয়ে ঘোষণা কৰে।
এতিয়াৰে চহৰৰ পাঁচ কিলোমিটাৰৰ উপকণ্ঠ অঞ্চলজুৰি দিনৰ ১ বজাৰ পৰা দোকান পোহাৰ বন্ধ থাকিব। আনহাতে গাঁও অঞ্চলত দিনৰ ২ বজাৰ পৰা এই নিয়ম বলৱৎ হ’ব। অৱশ্যে স্বাস্থ্য আৰু অত্যাৱশ্যকীয় আদি জৰুৰী সেৱাক ক্ষেত্ৰত ৰেহাই দিয়া হৈছে।
আনহাতে দিনৰ ১ বজাৰ পিছদিনা পুৱা ৫ বজালৈ কোনো লোকে ৰাজহুৱা স্থানত ঘূৰি ফুৰিব নোৱাৰিব। তেনে অৱস্থাত কোনো লোকক আৰক্ষীয়ে প্ৰত্যক্ষ কৰিলে অতি কঠোৰ পদক্ষেপ গ্ৰহণ কৰাৰ লগতে তেনে লোকৰ প্ৰতি কঠোৰ আইনী পদক্ষেপ গ্ৰহণ কৰিব। ডিজিপি মহন্তৰ মতে এতিয়াআৰ পৰা কেৱল আইপিচিৰ ১৮৮ ধাৰা অথবা দুৰ্যোগ ব্যৱস্থাপনা আইনৰ অধীনতে গোচৰ লোৱা নহ’ব কোভিড বিধি উলংঘনাকাৰী বিৰুদ্ধে তাতকৈ কঠোৰ ধাৰাত গোচৰৰ ৰুজু কৰা হ’ব।
কন্টেইনেন্ট জ’নতো অতি কঠোৰ হ’ব আৰক্ষী। কোনো লোকক দেখা মাত্ৰকে আৰক্ষীয়ে কঠোৰ পদক্ষেপ গ্ৰহণ কৰাৰ লগতে শক্তিপ্ৰয়োগ কৰিবলৈও বাধ্য হ’ব বুলি ঘোষণা কৰিছে শীৰ্ষ আৰক্ষী বিষয়াগৰাকীয়ে।
সাপ্তাহিক বজাৰ অহা পোন্ধৰ দিনলৈকে বন্ধ থাকিব। চৰকাৰী আৰু বেচৰকাৰী সকলো কাৰ্যালয় অহা ১৫ দিনলৈ বন্ধ থাকিব। ১৫ দিনলৈ ধৰ্মীয় আৰু উপাসমা স্থলীসমূহে বন্ধ থাকিব। ধৰ্মীয় অনুষ্ঠানত পুৰোহিত তথা মৌলবীৰ কাম সমাপন কৰিব পাৰিব। অন্যান্য লোক উপস্থিত থাকিব নোৱাৰিব।
ৰাজ্যৰ মুখ্য সচিব আৰু আৰক্ষী সঞ্চালকদ্বয়ৰ সংবাদমেলৰ কোভিডক লৈ গুৰুত্বপূৰ্ণ নিৰ্দেশনাসমূহ উল্লেখ কৰা হৈছেঃ-
১. চহৰ অঞ্চলত আৰু চহৰ/নগৰ সমিতিৰ সীমাৰ পৰা ৫ কিলোমিটাৰ অঞ্চললৈকে সকলো দোকান-পোহৰ দিনৰ ১বজাত বন্ধ হ’ব। এই অঞ্চলসমূহত দিনৰ ২ বজাৰ পৰা পোৱা ৫ বজালৈকে সকলো লোকৰ ৰাজহুৱা স্থানত চলা ফুৰা নিষেধ।
২. গ্ৰাম অঞ্চলত দিনৰ ২ বজালৈকে দোকান পোহাৰ খুলিব পাৰিব।এই অঞ্চল সমূহত ৬ বজাৰ পৰা পোৱা ৫ বজালৈকে সকলো লোকৰ ৰাজহুৱা স্থানত চলা ফুৰা নিষেধ।
৩. ৰেষ্টুৰেণ্ট, ধাবা আৰু অন্যান্য ভোজনালয়ে কেৱল আবেলি ১ বজালৈকে নিজৰ চৌহদৰ ভিতৰত বাহিৰা অতিথিৰ সেৱা কৰিব পাৰিব।ইয়াৰ পাছত হোটেল আবাসীসকলক নিজৰ কোঠাত খাদ্যৰ যোগান ধৰিব পাৰিব। আবেলি ১ বজাৰ পাছত খাদ্যৰ ঘৰুৱা বিতৰণসহ কঢ়িয়াই নিব পাৰিব।
৪. সকলো সাপ্তাহিক বজাৰ/হাট অহা ১৫ দিনৰ বাবে সম্পূৰ্ণ ৰূপে বন্ধ থাকিব।
৫. সকলো শিক্ষা প্ৰতিষ্ঠানত শ্ৰেণীসমূহ অহা ১৫ দিনলৈ বন্ধ থাকিব।
৬. সকলো চৰকাৰী আৰু বে-চৰকাৰী কাৰ্যালয় অহা ১৫ দিনৰ বাবে বন্ধ থাকিব।চৰকাৰী বিভাগত কেৱল উপ-সচিব আৰু ওপৰৰ পৰ্যায়ৰ বিষয়া আৰু জৰুৰী সেৱা লগত জড়িত কৰ্মচাৰী উপস্থিত থাকিব। এই কাৰ্যালয় সমূহ কেৱল ১ বজালৈকেহে খোলা থাকিব।
৭. যদিহে কোনো অঞ্চলত কোভিড ৰোগীৰ সংখ্যা মুঠ পৰীক্ষা কৰাৰ ৫ শতাংশ বা তাতকৈ বেছি হয়, তেনে অঞ্চলসমূহ জিলা উপায়ুক্তই কংতাইনমেণ্ট জ’ন হিচাপে ঘোষণা কৰিব।
৮. বিবাহত কেৱল নিজৰ ঘৰৰ ভিতৰত ১০জনৰ উপস্থিতিৰে সম্পন্ন কৰিব পাৰিব।
৯.অন্তেষ্টিক্ৰিয়াৰ বাবে কেৱল ১০ জনৰ উপস্থিতিৰ অনুমতি থাকিব।
১০.সকলো ধৰ্মীয় প্ৰতিষ্ঠান অহা ১৫ দিনলৈ বন্ধ থাকিব।মূল পুৰোহিত বা মৌলবীয়ে নূন্যতম ধৰ্মীয় কৰ্মসমূহ সম্পন্ন কৰিব পাৰিব।
১১. সকলো ৰাজহুৱা পৰিবহন ব্যৱস্থাত মুঠ আসনৰ কেৱল ৩০ শতাংশ যাত্ৰীহে কঢ়িয়াব পাৰিব।
১২. অটো ৰিক্সা, চাইকেল ৰিক্সা আৰু টেক্সীত এজন চালক আৰু ২ জন যাত্ৰী যাব পাৰিব।
১৩. দুচকীয়া বহনত মাত্ৰ এজন যাব পাৰিব।শিশু আৰু মহিলাৰ ক্ষেত্ৰত এই বাধা প্ৰযোজ্য নহ’ব।
১৪. চৰকাৰী বাহনৰ বাহিৰে সকলো ব্যক্তিগত বাহন যিকোনো দিনত পোৱা ৫ বজাৰ পৰা দিনৰ ২ বজাৰ যুগ্ম-অযুগ্ম হিচাবত চলাব পাৰিব।এই ব্যৱস্থা সংশ্লিষ্ট জিলা দুৰ্যোগ ব্যৱস্থাপনা বিভাগ নিৰ্দেশ জাৰি কৰিব।কেৱল জৰুৰী কালীন চিকিৎসাৰ বাবে ব্যৱহাৰ কৰা ব্যক্তিগত বাহনক ইয়াৰ পৰা ৰেহাই দিয়া হ’ব।
