বিধংসী সাগৰীয় ঘূৰ্ণী তাওকতেৰ সংহাৰত বিধ্বস্ত হৈ পৰিছে মুম্বাইৰ উপকূলীয় অঞ্চল ।
বিগত দুদিন ধৰি চাইক্ল’নৰ প্ৰভাৱত সমগ্ৰ মহাৰাষ্ট্ৰতে ধাৰাসাৰ বৰষুণ আৰম্ভ হৈছে। ফলত জলমগ্ন হৈ পৰিছে ৰাজ্য খনৰ বহু অঞ্চল ।
আজি ভাৰতীয় নৌ সেনা আৰু উপকূলৰক্ষী বাহিনীয়ে মুম্বাইৰ সাগৰৰ পৰা উপঙি থকা অৱস্থাত ১৪ টা মৃতদেহ উদ্ধাৰ কৰে ।
নৌ সেনাৰ এগৰাকী বিষয়াই প্ৰকাশ কৰা মতে সাগৰত আৰু বহু মৃতদেহ ভাঁহি অহাৰ আশংকা আছে । ধুমুহাৰ পিছৰে পৰা মহাৰাষ্ট্ৰত শতাধিক লোক সন্ধানহীন হৈ আছে ।
ধুমুহাৰ ফলত মুম্বাইৰ উপকূলত সাগৰৰ মাজত পি ৩০৭ নামৰ সৰু জাহাজ খন বুৰ যায় । আজি উদ্ধাৰ হোৱা মৃতদেহ কেইটা সেই জাহাজ খনৰে কোনো যাত্ৰী অথবা নাবিকৰ হ’ব পাৰে বুলি সন্দেহ কৰা হৈছে।
সাগৰীয় নিম্নচাপৰ ফলত সৃষ্টি হোৱা বিধ্বংসী চাইক্ল’ন তাওকতে এতিয়া বিভিন্ন ৰাজ্যৰ বাসিন্দাসকলৰ মনত ত্ৰাসৰ সৃষ্টি কৰিছে।
ধুমুহাৰ ফলত কৰ্ণাটৰ উপকূলীয় অঞ্চলৰ বহু গছ-গছনি উভালি পৰিছে। একেদৰে কেৰালা,গুজৰাট, মহাৰাষ্ট্ৰ আৰু গোৱাতো ধুমুহা জাকৰ আগমনৰ পৰিপ্ৰেক্ষিতত ব্যাপক সতৰ্কতামূলক ব্যৱ্স্থা গঢ়ি তোলা হৈছে।
সোমবাৰে ঘণ্টাত ১৫০ কিলোমিটাৰ বেগেৰে থাওকত চাইক্ল’ন গুজৰাটৰ উপকূলীয় অঞ্চলত প্ৰৱেশ কৰে । ৰাজ্য খনত বায়ুসেনা বাহিনীৰ বিমানৰ লগতে নৌ সেনাৰ জাহাজ উদ্ধাৰ অভিযানত ব্যৱহাৰ কৰিব পৰাকৈ সাজু কৰি ৰখা হৈছে।
ইপিনে ধুমুহাৰ প্ৰভাৱত কেউখন ৰাজ্যতে আৰম্ভ হৈছে ধাৰাসাৰ বৰষুণ আৰম্ভ হৈছে। বৰষুণৰ ফলত বহু ঠাই জলমগ্ন হৈ পৰাৰ খবৰ আহিছে।
গোৱাত ধুমুহা-বৰষুণৰ ফলত বহু বাসভৱনৰ ক্ষতি হোৱাৰ বাতৰি আহিছে।
মহাৰাষ্ট্ৰ ৰায়গড়ৰ জিলাৰ লগতে মুম্বাইৰ মহানগৰত সামুদ্ৰিক ধুমুহা তাওকতৰ ফলত স্বাভাৱিক জীৱন যাত্ৰাৰ স্থবিৰ কৰি পেলাইছে।
ভাৰতীয় বতৰ বিজ্ঞান বিভাগে মহাৰাষ্ট্ৰ আৰু গুজৰাটত প্ৰৱল বৃষ্টিপাত হোৱাৰ বাবে তাওকতত আক্ৰান্ত জিলাসমূহত ইতিমধ্যে ৰেড এলাৰ্ট জাৰি কৰিছে।
দেশৰ ভিতৰতে সৰ্বাধিক ক’ৰ’নাক্ৰান্ত তথা হটস্পষ্টৰূপে চিহ্নিত মহাৰাষ্ট্ৰৰ মুম্বাইত ১৬৪ মিমি বৰষুণৰ লগতে ধুমুহাই বিভিন্ন বাট পথ অৱৰুদ্ধ কৰি পেলাইছে।
আগন্তুক অত্যধিক দুৰ্যোগৰ মোকাবিলা কৰিববলৈ ৰাষ্ট্ৰীয় দুৰ্যোগ ব্যৱস্থাপনা বাহিনীৰ ৫০০ জৰুৰী সদস্য, মুম্বাই অগ্নি নিৰ্বাপক বাহনী আৰু মুম্বাই পৌৰ নিগমৰ সদস্যসকল মুম্বাইত সষ্টম কৰি ৰখা হৈছে।
ইয়াৰে কঙ্কন অঞ্চলৰ পৰা ৬০ হাজাৰ লোক আৰু ৭,০০৩ খন মাছমৰীয়া নাওক সুৰক্ষিত স্থানলৈ স্থানান্তৰ কৰিছে কৰ্পতৃক্ষই।
