ৰাজ্যৰ কোভিড পৰিস্থিতি শাম কটাৰ পিছতে হাই স্কুল শিক্ষান্ত আৰু হাই মাদ্ৰাছা পৰীক্ষা অনুষ্ঠিত হ’ব। ছেবাৰ কাৰ্যালয়ত সদৌ অসম ছাত্ৰ সন্থা আৰু ছেবা কতৃপক্ষৰ মাজত অনুষ্ঠিত হোৱা এক গুৰুত্বপূৰ্ণ আলোচনাত এই সিদ্ধান্ত গ্ৰহণ কৰা হয়।
সমগ্ৰ দেশত তথা ৰাজ্যত কোভিড মহামাৰীয়ে যি ত্ৰাসৰ সৃষ্টি কৰি আছে তাৰ মাজতেই কিন্তু শিক্ষাৰ্থীসকলৰ জীৱনলৈ অন্ধকাৰ নামি অহা দেখা পোৱা গৈছে।
এই কোভিডৰ ত্ৰাসৰ বাবে প্ৰত্যেক বছৰে অনুষ্ঠিত হোৱা হাইস্কুল শিক্ষান্ত আৰু হাই মাদ্ৰাছা পৰীক্ষা এই বৰ্ষত স্থগিত ৰখা হৈছিল।
কিন্তু শনিবাৰে ছেৱাৰ কাৰ্য্যালয়ত সদৌ অসম ছাত্ৰ সন্থা আৰু ছেবা কতৃপক্ষৰ মাজত অনুষ্ঠিত হোৱা এক গুৰুত্বপূৰ্ আলোচনাত এই সিদ্ধান্ত গ্ৰহণ কৰা হয় যে কোভিড ত্ৰাস নিয়ন্ত্ৰণ হোৱা লগে লগে হাইস্কুল শিক্ষান্ত আৰু হাই মাদ্ৰাছা পৰীক্ষা অনুষ্ঠিত কৰা হ’ব। আলোচনাৰ পাছত সংবাদমেলযোগে এই কথা জনায় আছুৰ সভাপতি দীপাংক কুমাৰ নাথে।
ছেবাৰ কাৰ্যালয়ত অনুষ্ঠিত হোৱা এই গুৰুত্বপূৰ্ণ আলোচনাত আছুৰ উপদেষ্টা সমুজ্জল কুমাৰ ভট্টাচাৰ্য্য, দীপাংক নাথ, শংকৰজ্যোতি বৰুৱাকে ধৰি ছেবাৰ কৰ্তৃপক্ষ উপস্থিত আছিল।
তেওঁলোকে জনোৱা অনুসৰি ৫ দিনৰ পাছত ছেবা কতৃপক্ষৰ সৈতে পুনৰ আলোচনাত বহিব আছুৰ নেতৃত্বই।
এই সন্দৰ্ভত আছুৰ সভাপতি দীপাংক নাথে সংবাদমেলত কয় “ছাত্ৰ সন্থাৰ তৰফৰ পৰা ছেবালৈ অনুৰোধ যে কোভিড পৰিস্থিতি নিয়ন্ত্ৰণ হোৱা লগে লগে পৰীক্ষা অনুষ্ঠিত কৰাৰ সন্দৰ্ভত ছাত্ৰ-ছাত্ৰীক জনোৱা উচিত। সেই মৰ্মেই ছেবাই কোভিড পৰিস্থিতি নিয়ন্ত্ৰণ হোৱা লগে লগে পৰীক্ষাৰ অনুষ্ঠিত হোৱাৰ সময় নিৰ্ধাৰণ কৰিব আৰু কেইখন পেপাৰৰ বাবে ছাত্ৰ-ছাত্ৰীসকলে পৰীক্ষা দিব লাগিব সেই কথাও অৱগত কৰা হ’ব।”
