ৰাষ্ট্ৰীয় গ্ৰন্থাগাৰিক দিৱস। সমগ্ৰ দেশৰ লগতে টীয়ক চন্দ্ৰ কমল বেজবৰুৱা মহাবিদ্যালয়তো আজি অনুষ্টুপীয়াকৈ উদযাপন কৰা হয় ৰাষ্ট্ৰীয় গ্ৰন্থাগাৰিক দিৱস।
ক’ভিডসৃষ্ট এই পৰিবেশত মহাবিদ্যালয়ৰ অধ্যক্ষ ড° বিজয় কৃষ্ণ পাচঁনিৰ সহযোগিতাত ৰেক্টৰ সুনীল কুমাৰ ভট্টাচাৰ্য, অসমীয়া বিভাগৰ প্ৰবক্তা ড° কৰবী গগৈ আৰু সহ গ্ৰন্থাগাৰিক কল্যাণী বৰুৱাই মহাবিদ্যালয়ৰ তৰফৰ পৰা টীয়ক উচ্চতৰ মাধ্যমিক বালিকা বিদ্যালয়ৰ গ্ৰন্থাগাৰলৈ এটি গ্ৰন্থৰ টোপোলা আগবঢ়ায়।
বালিকা বিদ্যালয়খনৰ গ্ৰন্থাগাৰলৈ আগবঢ়োৱা এই টোপোলাটিৰ বাবে অধ্যক্ষ ৰাজু কুমাৰ শইকীয়াই মহাবিদ্যালয় কৰ্তৃপক্ষলৈ ধন্যবাদ আৰু কৃতজ্ঞতা জ্ঞাপন কৰে।
তেওঁ লগতে এই কিতাপৰ টোপোলাই বিদ্যালয়ৰ ছাত্ৰীসকলক বিভিন্ন দিশত জ্ঞান আহৰণত সহায়ৰ হাত আগবঢ়াব বুলি মত প্ৰকাশ কৰে।
