Circle officer arrested for bribe case: দুৰ্নীতিৰ অভিযোগত গ্ৰেপ্তাৰ কৰা হৈছে চক্ৰ বিষয়া বৰেণ্য ৰঞ্জন বৰঠাকুৰক। বৰঠাকুৰ ঠেলামৰা ৰাজহ চক্ৰ বিষয়াৰ কাৰ্যালয়ৰ ৰাজহ চক্ৰ বিষয়া হিচাপে কৰ্মৰত আছিল।
গুৱাহাটীৰ পৰা শনিবাৰে দুৰ্নীতি আৰু তদাৰকী শাখাই চক্ৰ বিষয়াগৰাকীক গ্ৰেপ্তাৰ কৰে।
কেইদিনমান পূৰ্বে ঠেলামৰা ৰাজহ চক্ৰ বিষয়াৰ কাৰ্যালয়ৰ লাট মণ্ডল গুলজাৰ হুছেইনক মাটিৰ দালালৰ তালিকাৰ পৰা নাম কৰ্তনৰ বাবদ লাখ লাখ টকা সংগ্ৰহৰ অভিযোগত গ্ৰেপ্তাৰ হৈছিল।
দালালৰ পৰা ধন নিবলৈ আহি গুৱাহাটীত গ্ৰেপ্তাৰ হৈছিল লাট মণ্ডল গুলজাৰ হুছেইন। গুলজাৰ হুছেইনৰ এই কাৰ্যত চক্ৰ বিষয়া বৰঠাকুৰো জড়িত থকাৰ কথা সদৰী হৈছিল।
লাট মণ্ডল গুলজাৰ হুছেইনে জেৰাত আৰক্ষীৰ আগত দিয়া স্বীকাৰোক্তিক প্ৰকাশ কৰা মতে চক্ৰ বিষয়া বৰঠাকুৰে এজন দালাৰ পৰা ৮লাখ টকা দাবী কৰিছিল আৰু সেই টকা নিবলৈ আহিয়েই গুলজাৰ গুৱাহাটীত গ্ৰেপ্তাৰ হৈছিল।
লগতে পঢ়ক: শ্বহীদক অপমান: বিধায়ক আবাসৰ পৰাই কংগ্ৰেছৰ বিধায়ক শ্বেৰমান আলীক গ্ৰেপ্তাৰ
তাৰপাছতে শনিবাৰে চক্ৰ বিষয়া বৰেণ্য ৰঞ্জন বৰঠাকুৰক গ্ৰেপ্তাৰ কৰা হয়।
বৰেণ্য ৰঞ্জন বৰঠাকুৰ সমাজ কল্যাণ বিভাগৰ প্ৰাক্তন সঞ্চালক অৱসৰপ্ৰাপ্ত দিলীপ বৰঠাকুৰৰ পুত্ৰ আৰু মহানগৰীৰ বৰঠাকুৰ IAS একাডেমীৰো প্ৰতিষ্ঠাপক।
বৰেণ্য ৰঞ্জন বৰঠাকুৰে ইয়াৰ পূৰ্বে দিছপুৰ ৰাজহ চক্ৰতো চক্ৰ বিষয়া হিচাপে কাৰ্যনিৰ্বাহ কৰিছিল।
