Dearness Allowance hike কেন্দ্ৰীয় চৰকাৰৰ কৰ্মচাৰী তথা পেঞ্চনাৰসকলৰ বাবে ভাল খৱৰ। বৃহস্পতিবাৰে মন্ত্ৰীসভাৰ বৈঠকত কেন্দ্ৰীয় চৰকাৰৰ কৰ্মচাৰী তথা পেঞ্চনাৰসকলৰ বাবে ৩ শতাংশ মৰগীয়া (DA) বানচ বৃদ্ধি কৰাৰ সিদ্ধান্ত লোৱা হৈছে।
প্ৰধানমন্ত্ৰী নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে চলিত বছৰৰ জুলাই মাহত কেন্দ্ৰীয় চৰকাৰৰ কৰ্মচাৰী তথা পেঞ্চনাৰসকলৰ মৰগীয়া বানচ (DA) তথা মৰগীয়া সাহায্য (DR) ১৭শতাংশৰ পৰা ২৮ শতাংশলৈ বৃদ্ধি কৰাৰ সিদ্ধান্ত লৈছিল।
যোৱা ১জুলাইৰ পৰা এই বৰ্দ্ধিত মৰগীয়া বানচ (DA) তথা মৰগীয়া সাহায্য (DR) কাৰ্যকৰী হৈছে।
দেশত কোভিডৰ কাৰণে ২০২০চনৰ জানুৱাৰীৰ পৰা ২০২১ৰ জুনলৈকে মৰগীয়া বানচ বৃদ্ধি বন্ধ ৰখা হৈছিল।
আনহাতে, ২০২১চনৰ আগষ্টৰ পৰা কেন্দ্ৰীয় চৰকাৰৰ কৰ্মচাৰীসকলৰ ঘৰ ভাড়া বানচ বৃদ্ধিৰ সিদ্ধান্তও লয়।
সপ্তম দৰমহা আয়োগৰ পে মেট্ৰিক্স অনুসৰি কেন্দ্ৰীয় চৰকাৰৰ কৰ্মচাৰীসকলৰ ন্যুনতম মূল দৰমহা ১৮,০০০টকা। এই ১৮,০০০টকাৰ মূল দৰমহাৰ সৈতে কেন্দ্ৰীয় চৰকাৰৰ কৰ্মচাৰীসকলে ২০২১চনৰ জুন মাহলৈকে ১৭শতাংশ হাৰত ৩,০৬০ টকা মৰগীয়া বানচ লাভ কৰিছিল।
আনহাতে, ২০২১চনৰ জুলাইৰ পৰা কেন্দ্ৰীয় চৰকাৰৰ কৰ্মচাৰীসকলে ২৮শতাংশ মৰগীয়া বানচ অনুসৰি প্ৰতি মাহত ৫,০৪০টকা পাবলৈ লৈছিল।
সেইদৰে কৰ্মচাৰীসকলৰ মাহিলী মুঠ দৰমহাত ১,৯৮০টকা বৃদ্ধি পায় পেঞ্চনাৰসকলৰো পেঞ্চন বৃদ্ধি পায়। এইবাৰ আকৌ এবাৰ সেই টকা ৩ শতাংশ হাৰত বৃদ্ধি পাব।
