CM Himanta Biswa Sarma on Vaccination খানাপাৰা ষ্টাফ কলেজত মুখ্যমন্ত্ৰী হিমন্ত বিশ্ব শৰ্মাই সংবাদমেল সম্বোধন কৰি অহা নৱেম্বৰ মাহৰ ভিতৰত ভেকচিন দি শেষ কৰিব লাগিব বুলি উল্লেখ কৰে।
সংবাদমেল সম্বোধন কৰি মুখ্যমন্ত্ৰী হিমন্ত বিশ্ব শৰ্মাৰ ঘোষণা “১৫ নৱেম্বৰৰ পৰা দহ লাখ লোকক টাৰ্গেট কৰি গাঁৱে গাঁৱে ভেকচিন দিয়া হ’ব।”
ইপিনে, ভেকচিন প্ৰদানৰ কাম তীব্ৰতৰ হ’ব বুলি উল্লেখ কৰি তেওঁ কয়, “১৫ নৱেম্বৰৰ পৰা গাঁৱে গাঁৱে প্ৰদান কৰা হ’ব ক’ভিডৰ ভেকচিন। ১০ নৱেম্বৰৰ পৰা ঘৰে ঘৰে যাব চিকিৎসা কৰ্মী।”
ইপিনে, বয়স্কসকলে ঘৰৰ পৰা ওলাই আহি ভেকচিন ল’ব বিচৰা নাই বুলি উল্লেখ কৰি মুখ্যমন্ত্ৰী গৰাকীয়ে কয়, “সেয়ে অহা ১৫ নৱেম্বৰৰ পৰা দহ লাখ লোকক টাৰ্গেট কৰি গাঁৱে গাঁৱে ভেকচিন দিয়া হ’ব৷”
অহা ১০ তাৰিখৰ পৰা সাত দিনীয়াকৈ এই ভেকচিনেচন অভিযান চলোৱা হ’ব। দুই কোটি লোকক ভেকচিন দিয়াত যেনেকৈ অভিযান চলোৱা হৈছিল তেনেকৈয়ে দিয়া হ’ব৷
ইপিনে, ১৫ জানুৱাৰীৰ ভিতৰত দুয়োপালি ভেকচিন দি শেষ কৰা হ’ব বুলিও তেওঁ সদৰী কৰে।
ইয়াৰোপৰি, এই মাহত দ্বিতীয় পালি ভেকচিন এক কোটি লোকক দিয়াৰ দিহা কৰা হৈছে বুলি তেওঁ কয়।
ইতিমধ্যে ২ কোটি ৭৬ লাখ লোকক প্ৰথম ড’জ ভেকচিন প্ৰদান কৰা হৈছে বুলি তেওঁ জানিবলৈ দি লগতে কয়, “আমাৰ টাৰ্গেট দুই কোটি দহ লাখ আছিল৷ আমি টাৰ্গেটৰ ওপৰত গৈছো৷”
