Oil tanker gutted in fire কলিয়াবৰৰ বুঢ়াপাহাৰত তেল পৰিবাহী ট্ৰাকত ভয়ংকৰ অগ্নিকাণ্ডৰ ঘটনা সংঘটিত হৈছে। বুঢ়াপাহাৰত পুৱাই দাউ দাউকৈ জ্বলি উঠিল এখন তেলৰ টেংকাৰ।
কৰ্তব্যৰত বন কৰ্মীয়ে এই ঘটনা প্ৰত্যক্ষ কৰি আৰক্ষী আৰু কলিয়াবৰৰ অগ্নি নিৰ্বাপক বাহিনীক খবৰ দিয়ে।
অগ্নি নিৰ্বাপক বাহিনীৰ এখন গাড়ীয়ে জুই নিৰ্বাপনৰ চেষ্টা কৰে যদিও বিফল হয়। টেংকীত পানী শেষ হোৱাত পুনৰ জ্বলি উঠে টেংকাৰখন।
Also Read: Junior Hockey World Cup চক দে ইণ্ডিয়া! জুনিয়ৰ হকী বিশ্বকাপত কানাডাক ১৩-১ গ’লত হৰুৱালে ভাৰতে
AS 06 AC 1861 নম্বৰৰ নামনিমুৱা টেংকাৰখনত কি তেল আছিল সেইকথা নিশ্চিত হোৱা নাই। কিয়নো টেংকাৰখন বাগৰি পৰাৰ পাছতেই ঘটনাস্থলীৰ পৰা চালক হেণ্ডিমেন পলায়ন কৰে ।
ঘটনা সংঘটিত হোৱাৰ পাছত ৩৭ নং ৰাষ্ট্ৰীয় পথটোৰ দুয়ো পাৰে বহু যান-বাহন আৱদ্ধ হৈ পৰাত তীব্ৰ যানজঁটৰ সৃষ্টি হয়।
