ভাৰতীয় ক্ৰিকেট দলৰ উইকেটকিপাৰ-বেটাৰ ঋষভ পণ্টে আগন্তুক দক্ষিণ আফ্ৰিকাৰ বিৰুদ্ধে টেষ্ট শৃংখলাত ভাৰতৰ প্ৰাক্তন অধিনায়ক এম এছ ধোনীৰ নামত থকা এক ঈৰ্ষণীয় অভিলেখ ভংগৰ সুযোগ পাব।
পণ্টে টেষ্ট ক্ৰিকেটত ৰাষ্ট্ৰীয় দলক ২৫ খন খেলত প্ৰতিনিধিত্ব কৰিছে। এই ২৫ খন মেচত উইকেটৰ পিছফালে থাকি মুঠ ৯৭ টা উইকেটৰ চিকাৰ কৰিছে।
পণ্টক কেৰিয়াৰত ১০০ উইকেটৰ চিকাৰ পঞ্জীয়ন কৰিবলৈ মাথো ৩ টা উইকেটৰ প্ৰয়োজন। দক্ষিণ আফ্ৰিকাৰ বিৰুদ্ধে প্ৰথম টেষ্টত পণ্টে ভাৰতীয় দলৰ স্থান লাভ কৰা প্ৰায় নিশ্চিত।
এই টেষ্টত পণ্টে এই সফলতা অৰ্জন কৰাৰ সম্ভাৱনা আছে। ১০০ উইকেট চিকাৰৰ ক্ষেত্ৰত দ্ৰুততম ভাৰতীয় উইকেট-ৰক্ষক হিচাপে অভিলেখ গঢ়িব পাৰে পণ্টে।
বৰ্তমান এইক্ষেত্ৰত ধোনীয়ে ৩৬ খন মেচত ১০০ টা উইকেট চিকাৰৰ দ্বাৰা এই কৃতিত্ব অৰ্জন কৰা দ্ৰুততম ভাৰতীয় উইকেট ৰক্ষক হোৱাৰ অভিলেখ গঢ়ি থৈছে।
এই তালিকাত তৃতীয় স্থানত আছে আন এজন উইকেট ৰক্ষক ঋদ্ধিমান সাহা। সাহাই ৩৭ খন টেষ্টত এই কৃতিত্ব অৰ্জন কৰিছিল।
