দেশৰ মুঠ জনসংখ্যাৰ ৭৬.৫ শতাংশৰ সম্পূৰ্ণ টীকাকৰণ হোৱাৰ পাছতো ফ্ৰান্সৰ কৰ’না পৰিস্থিতি বিপদজনক হৈ পৰিছে। নতুনকৈ দেশখনত ভাইৰাছৰ সংক্ৰমণে আতংকৰ সৃষ্টি কৰিছে। দেশখনত দৈনিক কৰ’না আক্ৰান্তৰ সংখ্যাই ১লাখ অতিক্ৰম কৰিছে।
ফ্ৰান্স চৰকাৰে ইতিমধ্যে বুষ্টাৰ ড’জ দিয়াৰ সিদ্ধান্ত গ্ৰহণ কৰিছে। বুষ্টাৰ ড’জ ল’লে নাগৰিকসকলক বিশেষ হেলথ পাছ দিয়াৰ কথাও ঘোষণা কৰিছে।
হেলথ পাছ লাভ নকৰা নাগৰিকসকলে ঘৰৰ বাহিৰলৈ ওলাব নোৱাৰিব। দেশখনৰ বিভিন্ন প্ৰান্তত এতিয়া লকডাউন সদৃশ নীতি-নিৰ্দেশনা প্ৰয়োগ কৰা হৈছে।
Also Read: Under 19 Asia Cup: শ্বাসৰুদ্ধকৰ মেচত ভাৰতক ২ উইকেটত পৰাস্ত কৰিলে পাকিস্তানে
দেশখনৰ অ’মিক্ৰণৰ বাবেই নতুনকৈ কৰ’নাৰ সংক্ৰমণ বৃদ্ধি পোৱা বুলি কোৱা হৈছে। ফ্ৰান্সকে ধৰি বিশ্বৰ ১০৮খন দেশত অ’মিক্ৰণে বৰ্তমান আতংকৰ সৃষ্টি কৰিছে। এমাহ পূৰ্বে দক্ষিণ আফ্ৰিকাত অ’মিক্ৰণৰ সন্ধান পোৱা গৈছিল।
বিশ্ব স্বাস্থ্য সংস্থাই জানিবলৈ দিছে যে মাত্ৰ এমাহৰ ভিতৰতে বিশ্বৰ ১০৮খন দেশত এই ভাইৰাছ বিয়পি পৰিছে। প্ৰায় ডেৰ লাখ লোক সংক্ৰমিত হোৱাৰ উপৰি এই ভাইৰাছত মৃত্যু হৈছে ২৬জন লোকৰ।
Also Read:ম্যানমাৰত নাৰী-শিশুসহ কমেও ৩০ জনক হত্যা; জ্বলাই দিয়া হ’ল মৃতদেহ
ইপিনে, অ’মিক্ৰণ আক্ৰান্তৰ সংখ্যা আইটাইকৈ বেছি হৈছে জাৰ্মানী, অষ্ট্ৰিয়া, বেলজিয়ামত। আমেৰিকা আৰু ইংলেণ্ডতো ই ত্ৰাসৰ সৃষ্টি কৰিছে। শুকুৰবাৰেই ইংলেণ্ডত আক্ৰান্ত হৈছে ১লাখ ২২হাৰতকৈয়ো অধিক লোক।
