মাৰ্চৰ পৰা ১২ বছৰৰ পৰা ১৪ বছৰ বয়সৰ কিশোৰক ক’ভিদ টিকাকৰণ আৰম্ভ কৰাৰ সম্ভাৱনীয়তা ব্যক্ত কৰিছে ক’ভিদ-19 কাৰ্যকৰী গোট গোট NTAGI ৰ অধ্যক্ষ ড০ এন কে অৰোৰাই।
তেওঁ লগতে এই সময়চোৱাৰ ভিতৰত ১৫ বছৰৰ পৰা ১৮ বছৰৰ কিশোৰ-কিশোৰী সকলক সম্পূৰ্ণৰূপে টিকাকৰণ কৰা হ’ব বুলি উল্লেখ কৰে।
১৫-১৮ বছৰ বয়সৰ আনুমানিক ৭.৪ কোটি শিশুৰ ভিতৰত ৩.৪৫ কোটিৰো অধিক কিশোৰে ইতিমধ্যে এতিয়ালৈকে কভাক্সিনৰ প্ৰথম পালি লাভ কৰিছে আৰু তেওঁলোকৰ দ্বিতীয় পালি ২৮ দিনৰ ভিতৰত হ’ব বুলি আৰোৰাই সদৰী কৰে।
“এই বয়সৰ কিশোৰসকলে টিকাকৰণ প্ৰক্ৰিয়াত সক্ৰিয়ভাৱে অংশগ্ৰহণ কৰিছে আৰু টিকাকৰণৰ এই গতি অনুসৰি ১৫-১৮ বছৰ বয়সৰ বাকী হিতাধিকাৰীসকলক জানুৱাৰীৰ শেষৰ ফালে প্ৰথম পালি প্ৰদান কৰাৰ সম্ভাৱনা আছে আৰু পৰৱৰ্তী সময়ত তেওঁলোকৰ দ্বিতীয় পালি ফেব্ৰুৱাৰীৰ শেষৰ ফালে কৰা হ’ব বুলি আশা কৰা হৈছে।” ৰাষ্ট্ৰীয় কাৰিকৰী উপদেষ্টা গোটৰ (এনটিএজি) কোভিড কাৰ্যকৰী গোটৰ অধ্যক্ষই কয়।
১৫-১৮ বছৰ বয়সৰ সকলোৱে সামৰি লোৱাৰ পিছত চৰকাৰে মাৰ্চ মাহত ১২-১৪ বছৰ বয়সৰ লোকসকলৰ বাবে টিকাকৰণ অভিযান আৰম্ভ কৰাৰ বাবে নীতিগত সিদ্ধান্ত লোৱাৰ সম্ভাৱনা আছে বুলি তেওঁ লগতে কয়।
তেওঁৰ মতে ১২-১৪ বছৰ বয়সৰ জনসংখ্যা আনুমানিক ৭.৫ কোটি হ’ব।
