কৰ্ণাতকৰ হিজাব বিতৰ্কই দেশজুৰি আলোড়নৰ সৃষ্টি কৰাৰ সময়তে এই বিষয়ত এই সন্দৰ্ভত ছ’চিয়েল মিডিয়াত আপত্তিজনক মন্তব্য কৰি নিলম্বিত হ’বলগীয়া হৈছে দুজন আৰক্ষী।
ফেচবুকত এটা বিতৰ্কিত পোষ্ট কৰা আৰু প্ৰচাৰ কৰাৰ অভিযোগত ৰাজস্থান আৰক্ষীৰ এজন কনিষ্টবল আৰু ট্ৰেফিক আৰক্ষীৰ এজন সহকাৰী উপ-পৰিদৰ্শকক নিলম্বিত কৰা হৈছে।
জৱাহৰ চক্ৰ আৰক্ষী থানাত নিয়োজিত ৰমেশ নামৰ কনিষ্টবলজনে আপত্তিজনক পোষ্টটো প্ৰকাশ কৰিছিল আৰু ট্ৰেফিক আৰক্ষীৰ এএছআই সতবীৰ সিঙে এই পোষ্টটো শ্বেয়াৰ কৰিছিল।
দুয়োজনৰ এই বিতৰ্কিত আচৰণৰ বাবে তেওঁলোকক নিলম্বিত কৰা হৈছে বুলি এজন জ্যেষ্ঠ আৰক্ষী বিষয়াই জানিবলৈ দিয়ে।
“শুকুৰবাৰে ছ’চিয়েল মিডিয়াত এটা আপত্তিজনক ফটো আৰু মন্তব্য পোষ্ট কৰাৰ বাবে দুজন আৰক্ষীক নিলম্বিত কৰা হৈছে। আৰক্ষী বিষয়া হোৱাৰ বাবে তেওঁলোকে কৰ্ম কৰিব নালাগিছিল আৰু সেয়েহে তেওঁলোকৰ বিৰুদ্ধে ব্যৱস্থা লোৱা হৈছে।” আৰক্ষী উপায়ুক্ত (উত্তৰ) অনিল পেৰিছ দেশমুখে কয়।
বিতৰ্কিত পোষ্টটো বিয়পি পৰাৰ পিছত মানক চক আৰক্ষী থানা অঞ্চলৰ অধীনত বাস কৰা এজন ব্যক্তিয়ে ইয়াৰ বিৰুদ্ধে আৰক্ষীৰ কাষ চাপে।
ইতিমধ্যে আৰক্ষীয়ে বিষয়টো গুৰুত্ব সহকাৰে গ্ৰহণ কৰি প্ৰাথমিক তদন্ত আৰম্ভ কৰিছে বুলি আৰক্ষী বিষয়াজনে জানিবলৈ দিয়ে।