এজন দুজন নহয়, ৩৮জনকৈ সন্ত্ৰাসবাদীক মৃত্যুদণ্ড দিয়া হ’ব! গুজৰাটৰ এখন বিশেষ আদালতে প্ৰদান কৰিছে এই ৰায়।
২০০৮ চনত আহমেদাবাদত ঘটি যোৱা এটা ধাৰাবাহিক বোমা বিস্ফোৰণত জড়িতসকলক দিয়া হৈছে এই মৃত্যুদণ্ড।
বিস্ফোৰণটোৰ বাবে ৪৯ জনকৈ সন্ত্ৰাসবাদীক দোষী সাব্যষ্ট কৰা হৈছিল। আজি আদালতৰ ৰায় অনুসৰি, ৪৯ জনৰ ৩৮ জনক মৃত্যুদণ্ড আৰু বাকী ১১ জনক যাৱজ্জীৱন কাৰাদণ্ডৰে দণ্ডিত কৰা হ’ব।
বিস্ফোৰণটোৰ সৈতে ষ্টুডেণ্টচ ইছলামিক মভমেণ্ট অৱ ইণ্ডিয়া চমুকৈ চিমিৰ অধীনত ইণ্ডিয়ান মুজাহিদীন জড়িত আছিল।
অভিযোগ অনুসৰি, নৰেন্দ্ৰ মোদী মুখ্যমন্ত্ৰী হৈ থকাৰ সময়ছোৱাত তথা ২০০২ চনৰ গোধৰাত ঘটা সাম্প্ৰদায়িক সংঘৰ্ষৰ প্ৰতিশোধস্বৰূপে এই বিস্ফোৰণৰ পৰিকল্পনা কৰা হৈছিল।
উল্লেখ্য যে ২০০৮ চনৰ ২৬ জুলাইত ঘটা এই ভয়াৱহ বিস্ফোৰণটোৱে দেশব্যাপি কঁপনি তুলিছিল। ৭০ মিনিটজুৰি ধাৰাবাহিকভাৱে চলা এই বিস্ফোৰণটোত মৃত্যু হৈছিল ৫৬ জনকৈ নিৰীহ লোকৰ। আনহাতে, আহত হৈছিল ২০০ জন।
অৱশেষত ১৩ বছৰৰ পাছত এই গোচৰৰ অপৰাধী কেইজনক শাস্তি প্ৰদান কৰা হয়।