যদি ভাৰতে ৰাছিয়ান ফেডাৰেচনৰ পৰা কোনো সামগ্ৰী ক্ৰয় কৰিব বিচাৰে তেন্তে ৰাছিয়া আলোচনা কৰিবলৈ আৰু পাৰস্পৰিক ভাৱে গ্ৰহণযোগ্য সহযোগিতাত উপনীত হ’বলৈ সাজু। সম্প্ৰতি ভাৰত ভ্ৰমণৰত ৰাছিয়াৰ বৈদেশিক মন্ত্ৰী চাৰ্গেই লাভৰভে এই মন্তব্য কৰিছে।
“ভাৰতে আমাৰ পৰা ক্ৰয় কৰিব বিচৰা যিকোনো সামগ্ৰী যোগান ধৰিবলৈ আমি সাজু। আমি আলোচনা কৰিবলৈ সাজু। ৰাছিয়া আৰু ভাৰতৰ মাজত যথেষ্ট ভাল সম্পৰ্ক আছে।”— লাভৰভে কয়।
তেওঁ লগতে কয়, “মই বিশ্বাস কৰোঁ যে ভাৰতীয় বৈদেশিক নীতিৰ বিশেষত্ব হৈছে স্বাধীনতা আৰু প্ৰকৃত ৰাষ্ট্ৰীয় বৈধ স্বাৰ্থৰ ওপৰত মনোযোগ।”
“একেই নীতি ৰাছিয়ান ফেডাৰেচনত আধাৰিত। এই নীতিয়ে ৰাছিয়া আৰু ভাৰতক ভাল বন্ধু আৰু নিষ্ঠাৱান অংশীদাৰ হিচাপে গঢ়ি তুলিছে।”- সাংবাদিকৰ আগত এইদৰে কয় বৈদেশিক মন্ত্ৰীজনে।
আনহাতে আমেৰিকা যুক্তৰাষ্ট্ৰ আৰু অন্যান্য মিত্ৰশক্তিৰ হেঁচাই মস্কো আৰু নতুন দিল্লীৰ মাজৰ সম্পৰ্কত প্ৰভাৱ পেলাব পাৰে নেকি বুলি সাংবাদিকে কৰা এক প্ৰশ্নৰ উত্তৰত লাভৰভে কয়, “মোৰ কোনো সন্দেহ নাই যে কোনো চাপৰ ফলত আমাৰ অংশীদাৰীত্ব প্ৰভাৱিত হ’ব।”
