প্ৰধানমন্ত্ৰী নৰেন্দ্ৰ মোদীয়ে অহা ২৮ এপ্ৰিলত উজনি অসমৰ ডিব্ৰুগড় ভ্ৰমণ কৰিব। দেওবাৰে মুখ্যমন্ত্ৰী হিমন্ত বিশ্ব শৰ্মাই এই কথা জানিবলৈ দিছে।
প্ৰধানমন্ত্ৰী মোডীয়ে তেওঁৰ ভ্ৰমণকালত এখন কৰ্কট চিকিৎসালয় উদ্বোধন কৰিব আৰু ডিব্ৰুগড়ৰ পৰাই আন ছয়খন কৰ্কট চিকিৎসালয়ৰ আধাৰশিলা স্থাপন কৰিব।
প্ৰধানমন্ত্ৰীয়ে সেইদিনা বিয়লিৰ ভাগত খনিকৰ আৰক্ষী সংৰক্ষিত ক্ষেত্ৰত এখন ৰাজহুৱা সভাতো ভাষণ দিব।
লগতে পঢ়ক: অসমীয়া ভাষা আৰু অসমীয়াক কটু মন্তব্য কৰা অৰবিন্দ সিঙৰ আত্মসমৰ্পণ; কাণত ধৰি খুজিলে ক্ষমা
মোডীৰ প্ৰস্তাৱিত ভ্ৰমণৰ প্ৰতি লক্ষ্য ৰাখি মুখ্যমন্ত্ৰী শৰ্মাই দেওবাৰে সমগ্ৰ অঞ্চলটোৰ বুজ ল’বলৈ ডিব্ৰুগড়ৰ খনিকৰ আৰক্ষী সংৰক্ষিত অঞ্চল পৰিদৰ্শন কৰে।
তেওঁ সংশ্লিষ্ট বিষয়াসকলক প্ৰধানমন্ত্ৰীৰ ৰাজহুৱা অনুষ্ঠানৰ সফল পৰিচালনাৰ দিশত সকলো ত্ৰুটি দূৰ কৰাৰ বাবে প্ৰয়োজনীয় সকলো পদক্ষেপ গ্ৰহণ কৰিবলৈ নিৰ্দেশ দিয়ে।
তেওঁ ২৮ এপ্ৰিলত প্ৰধানমন্ত্ৰীয়ে জনসাধাৰণক উৎসৰ্গা কৰিবলগীয়া চিকিৎসালয়খনত স্থাপন কৰা সকলো সা-সুবিধাৰ বুজ লয়।
লগতে পঢ়ক:তামুলপুৰত বিশেষভাৱে সক্ষম শিশু আৰু কিশোৰৰ বাবে যোগ প্ৰশিক্ষণ কেন্দ্ৰ মুকলি
মুখ্যমন্ত্ৰী শৰ্মাই ডিব্ৰুগড়ৰ উপায়ুক্ত আৰু ৰাজ্য চৰকাৰৰ অন্যান্য জ্যেষ্ঠ বিষয়াসকলৰ সৈতে এক বৈঠক মিলিত হয় আৰু প্ৰধানমন্ত্ৰীৰ ভ্ৰমণ সফল কৰাৰ বাবে সকলো পদক্ষেপ ল’বলৈ নিৰ্দেশ দিয়ে।
