সত্ৰনগৰী বৰপেটাৰ বিভিন্ন সত্ৰ, থান আৰু কীৰ্তনঘৰত চুৰিকাণ্ডৰ ঘটনা অব্যাহত আছে ৷ সত্ৰ, থান আৰু কীৰ্তনঘৰবোৰক সুৰক্ষা দিয়াৰ দাবীত যোৱা ৬ এপ্ৰিলত সত্ৰৰ ভকত, বৈষ্ণৱ, আই-বাপসকলে বৰপেটা সত্ৰৰ দালানত অৱস্থান ধৰ্মঘট কাৰ্যসূচী ৰূপায়ন কৰিছিল ৷
সত্ৰসমূহক সুৰক্ষা প্ৰদানত আৰক্ষীৰ দুৰ্বল ভূমিকাৰ বাবেই দেওবাৰে পুনৰ নাৰায়ণ দাস ঠাকুৰ আতা স্থাপিত কনৰা সত্ৰত চুৰি কাৰ্য সংঘটিত হয় ৷
কনৰা সত্ৰৰ নামঘৰ আৰু সত্ৰৰ ভাজঘৰৰ তলা ভাঙি চোৰ সোমাই চোৰে সত্ৰখনৰ গোসাঁইৰ ডেৰ কিলোগ্ৰাম ওজনৰ ৰূপৰ হাৰ চুৰি কৰি নিয়ে৷
লগতে পঢ়ক: বিটিআৰত জন্ম দিয়া হৈছে আন এক সশস্ত্ৰ সংগঠনৰ
আনহাতে, ৫ টা সোণৰ আৰু ২৫ টা ৰূপৰ ফুল চুৰি কৰি নিয়ে চোৰে ৷ চোৰে সত্ৰৰ সোণ-ৰূপৰ গহনা, ফুল, সত্ৰৰ প্ৰসংগত ব্যৱহৃত ৬ যোৰ কাহৰ তাল, নিৰ্মালী প্ৰদান কৰা থাল আদিকে ধৰি সত্ৰখনত ব্যৱহৃত বহু সামগ্ৰী লুট কৰি নিয়ে ৷
একেদৰে সত্ৰখনৰ প্ৰতিষ্ঠাতা নাৰায়ন দাস ঠাকুৰ আতাই সত্ৰ প্ৰতিষ্ঠা কৰি ব্যৱহাৰ কৰা খুটি তাল যোৰো চুৰি কৰি নিয়ে চোৰে ৷
এই চুৰিৰ ঘটনাকলৈ সত্ৰনগৰী বৰপেটাত ব্যাপক প্ৰতিক্ৰিয়াৰ সৃষ্টি হৈছে ৷
লগতে পঢ়ক: গুৱাহাটী মহানগৰীত পুনৰ হত্যাকাণ্ড: ডিঙি কাটি পেলাই থৈ গ’ল এজনক
উল্লেখ্য যে, সত্ৰ, থান, কীৰ্তনঘৰত চুৰি কাৰ্যৰ সৈতে জড়িত ভগৱান মজুমদাৰকে ধৰি কেইবাটাও চোৰক আৰক্ষীয়ে গ্ৰেপ্তাৰ কৰাৰ পিছতো সত্ৰত পুনৰ চুৰিকাণ্ডৰ ঘটনাক বৰপেটা আৰক্ষীয়ে বিশেষ গুৰুত্বসহকাৰে লৈছে ৷
